Nos Custumbernan cu ta bayendo perdi…

Is our society changing so fast and our traditions dying even faster? Indra Stamper shares a poem on the subject…

Documenta pensamento ta documenta historia oral…Un rato cu Indra Stamper…

Den un combersacion ameno cu Indra Stamper, e la comparti diferente di su pensamentonan pa cu nos custumbernan cu ta bayendo perdi, un mas lihe cu e otro.  Hunto nos a puntra nos mes, tad icon esaki ta sosodiendo y kico nos por hasi pa evita esaki. Con nos por sinja nos hendenan y nos paisanonan nobo stima nos custumbernan Rubiano? Indra ta hasi esaki dor di pone su pensamentonan riba papel… un custumber cu cada un di nos por crea tambe. Documenta nos pensamentonan ta documenta historia oral, vivencia y bida mes…

Pesey awe nos kier pa bo lesa un bunita pensamento di un hoben Arubiana, radiante, ehecutiva y un curason grandi pa su isla stima Aruba. Indra ta e persona encarga cu e relacion publico y mercadeo di Aruba Palm Beach Plaza…un bunita projecto cu hopi potencial. Danki na Indra pa comparti su curason y cu hopi mas hende refleha riba e balor di nos custumbernan y specificamente Pasco di  nacemento…

Custumber

Nan sa bisa,
Custumber ta mal cos

Pero ta di custumber nos ta crece
Di custumber nos ta sinja

Mi no kier descustumbra
Di mi custumber ‘rubiano

Custumber ta bunita,
Bai misa diadomingo
Bishita famia pa pasco
Canta dande anja nobo
Sunchi y brasa famia
Bishita defunto na su graf
Res’un rosario de vez en cuando
Stima famia riba tur cos…..
Y nan tin cuer’i cara di bisa,
Custumber ta mal cos

– Indra Stamper

Leave a Reply