Con pa usa e forsa di nos sombra pa trese cambio den nos bida

Nos sombra ta pone nos kere cu nos no merece pa ta e ‘superstar’ den nos mes bida.
Ta e sombra aki, e parti scur di nos, e partinan cu nos a oprimi di nos mes cu ta separa nos di ken nos berdaderamente ta.

buki het schaduw effectTip di Van Dorp: ‘Un bon buki – Het Schaduw Effect’.
Tur cos a cuminsa cu e meneer di scol cu a bisa cu nos ta bobo, e mucha di scol cu a tenta nos of e prome amor cu a bandona nos. Nos tur tin momentonan doloroso y bergonsoso cu nos a sconde y despues di tempo e emocionnan aki a hasi nos bira mas duro y nan a forma nos sombra.

Ta trata aki di anshanan cu nos no a expresa, e berguensa hororoso, e remordimentonan cu ta come nos dor di no enfrenta nos problemanan.

Cerca majoria hende tur e problemanan aki por bin di un solo momento cu tabata crucial den nos bida. Pero tambe por ta cu nos a laga cosnan cu nos no kier enfrenta acumula durante hopi anja.

E introduccion di e buki ta bisa: Tur hende tin su parti di sombra. Si nos sigi nenga nan y sconde nan, nan por bira un poder cu posiblemente por destrui nos bida. Sombra tin su efecto riba e comunidad tambe, segun Deepak Chopra, un di e escritornan. Debby Ford ta papia di su propio experencia – e tabata adicto – y ta splica con nos por sera pas cu nos mes, cu otro y cu e mundo. Marianne Williamson ta mustra riba e forsa di resamento, hasi sacrificio, pordon y amor. Pasobra solamente lus por core cu sombra.

Con pa usa e forsa di nos sombra pa trese cambio den nos bida? Nos sombra ta consisti di pensamentonan, emocion y rabia cu nos ta haja mucho doloroso y asqueroso pa acepta. Den lugar di mira nan y acepta nan, nos ta sconde nan un caminda den nos psyche.

Di e forma aki nan no ta molestia nos y nos no mester carga e berguensa. E escritor Robert Bly a describi e sombra manera un saco invisibel cu cada un di nos ta carga riba nos lomba. Ora nos ta crese nos ta hinca tur loke nos famia y amigonan ta haja inaceptabel den e saco aki. Bly ta kere cu den e prome 10 anja di nos bida nos ta jenando e saco y pa e resto di nos bida nos ta purbando pa haja bek loke nos a sconde eyden.

Nos sombra ta jena cu frasenan bashi y reglanan hipocrita na cua nos nunca lo por obedece. Esaki ta percura cu nos ta alaba cierto hende y otronan di ken nos ta bisa cu nan ta mes malo cu e diabel.
Mas nos sombra desaroya su mes, mas nos ta aleha di nos naturalesa berdadero. Nos grandesa, nos compashon, nos autencidad ta perde bou di e imagen cu nos sombra a crea di nos. Y asina nos sombra ta bira e donjo di nos. E ta pone nos kere cu nos no tin balor, cu nos no tin poder, cu nos no ta bal pa ser stima, cu nos ta bobo. Y cu nos no merece pa ta e ‘superstar’ den nos mes bida.
Ta e sombra aki, e parti scur di nos, e partinan cu nos a oprimi di nos mes cu ta separa nos di ken nos berdaderamente ta.

Majan bo por lesa e ultimo parti di e articulo…

Leave a Reply