Arte pa Aruba, traha un bandera cu bo yiu.

Arte pa Aruba, traha un bandera cu bo yiu. Un mucha no mester di hopi cos pa ta creativo… www.comprondiendobida.com

traha un bandera pa Aruba cu  bo yiuTrahando pa hopi anja cu mucha, mi a pensa hopi cos con celebra nos dia nacional cu e muchanan chiquito.
Esaki ta un projecto simpel cu cada major por hasi na cas cu nan yiunan prome cu sali celebra nos dia di himno y bandera.
Tur loke bo mester ta palo di sate, un pida carton, lijm y crepe papier den e colornan di nos bandera.
Gos’e hunto cu bo yiu y corda bis’e cu e ta un artista chiquito.
Mas despues, mas idea. Si abo tin, nan ta welkom…

aruba dushi tera poster

Hubada Gezag

Hubada gezag © Bethsarim van Koetsveld-Brinez. Cu amor pa Aruba…na caminda pa 25 anja Status Aparte

hubada

Un contribucion di Bethsarim van Koetsveld-Brinez

Tempo di mi tempo,
Back in my day,
ora mondi tabata reina,
when the bush reigned,
cu splendor mi tabata briya,
I glowed with splendor,
cabrito so tabata morde na mi sumpiña.
only the goat nibbled on my thorns.

Continue reading “Hubada Gezag”

A.H.R.A. cu workshop interesante riba zeven bronnen van arbeidsvreugde

Aruba Human Resources Association cu workshop interesante riba ‘zeven bronnen van arbeidsvreugde’, e siete fuente di orguyo y placer den trabou.
Desde comienso di humanidad trabou a hunga un rol importante den bida di e ser humano. Trabou tabata un proceso hopi individual, si nos corda tempo cu trabou tabata un ofishi.

johan koop y roy winterdaal di AHRAAruba Human Resources Association cu workshop interesante riba ‘zeven bronnen van arbeidsvreugde’, e siete fuente di orguyo y placer den trabou.
Desde comienso di humanidad trabou a hunga un rol importante den bida di e ser humano. Trabou tabata un proceso hopi individual,  si nos  corda tempo cu trabou tabata un ofishi. Nos por corda cu nos a sinja tocante di  ‘gilde’, conoci pa nan dedicacion na nan ofishi. Esaki tabata tempo cu un hende tabata traha un holoshi di comienso te fin, pa menciona un ehempel. 

Continue reading “A.H.R.A. cu workshop interesante riba zeven bronnen van arbeidsvreugde”

De zang van de kwihi boom

De zang van de kwihi boom

Er zit leven in mij…

Weet je…

Ik heb wortels…een lijf…armen en benen

En ook nog een kruin…

Ik heb hier jarenlang gestaan…

kwihi-boom

Geschreven uit liefde voor de Arubaanse natuur:

De zang van de kwihi boom

Er zit leven in mij…

Weet je…

Ik heb wortels…een lijf…armen en benen

En ook nog een kruin…

Ik heb hier jarenlang gestaan…

Weet je…

Zonder me te kunnen verplaatsen…zoals jij

Ik heb levens zien komen en gaan…net als jij…

Leventjes van vogels…van mensen…

Ik heb op de tonen van de wind gedanst…

Net zoals jij deed als je gek wou doen…

Ik ben een met de wind, de lucht, de sterren, de planeten…

Met jou…

Weet je…

Als je dat wilt…

Jij en ik…

Zie je mijn takken dansen?

‘Dat’ doe ik voor jou…

Dit is mijn zang…

– Ingrid werleman 2009

Continue reading “De zang van de kwihi boom”

Bo cellular por hasi bo malo, E-Smog of Electro-Smog

Bo cellular por hasi bo malo, E-Smog of Electro-Smog

Un contribucion di VitalChoices International

Esaki por ta e prome biaha cu bo ta tende di E-Smog of Electro-Smog y toch e no ta algo nobo. E-smog ta radiacion electromagnetico produci artificialmente dor di camponan magnetico y electrico; cu ta miyones di biaha mas fuerte cu radiacion electromagnetico produci den un forma natural.

electric smog pictureUn contribucion di VitalChoices International

Esaki por ta e prome biaha cu bo ta tende di E-Smog of Electro-Smog y toch e no ta algo nobo. E-smog ta radiacion electromagnetico produci artificialmente dor di camponan magnetico y electrico; cu ta miyones di biaha mas fuerte cu radiacion electromagnetico produci den un forma natural.

Esaki ta e prijs cu nos ta paga p’e crecemento constante di electrificacion den nos bida diario. Nos ta constantemente exponi na liñanan di voltahe halto, WIFI Lan’s, radio, motornan electrico etc etc. Peor ainda, nos ta cana cun’e tur momento…..esta nos telefon cellular!
Bo por nota cu ora bo telefon cellular ta ring den bo auto e ta interferi cu bo stereo den bo auto cu un zonido fastioso di ‘bleep’?

Efectonan di electro-smog ta duna stress na hendenan saludabel y e ta baha bo sistema inmunologico cu ta habri entrada pa varios malesanan.

Continue reading “Bo cellular por hasi bo malo, E-Smog of Electro-Smog”

Awe ta dia di bisa danki y honra Bida

Awe ta dia di bisa danki…honra bida…honra bo sonjonan… on www.comprondiendobida.com

Awe ta dia di ‘bisa danki’…
E ta un custumber Mericano…  e ta un bunita pensamento… y mi kier adapta bunita pensamentonan… awe ta dia di bisa danki y nos cada un por sinta y pensa un rato na ken nos kier ‘bisa danki’… por ta na un hende cu tin un nificacion hopi special den bo bida… bo casa, bo pareha, bo yiunan, nietonan, bo mayornan, bo famia y amigonan…

Pero por ta tambe… bisa danki na e hende cu tur dia ta hasi bo cas of oficina limpi… na e dokter cu ta cuida bo salud… esun cu ta jena gasoline pa bo auto… esun cu tur dia ta bisa bo ‘bondia’, maske e no conoce bo…  esun cu a tuma tempo pa scucha bo, ora bo tin mester…

Bisa danki na bida, bisa danki na Dios pa su bunita creacion… na e lama cu ta kita tur bo cansancio y e awa cu bo ta bebe y ta purifica bo…

Continue reading “Awe ta dia di bisa danki y honra Bida”

“Kico ta significante den e contribucion cu mi ta hasi den mi trabou?”…. scirbi pa Karen Angela

Can work also have e meaning for the community and our Planet? … by Karen Angela… Read on www.comprondiendobida.com

Karen Angela ta directora di Caveka, People Resources y tin mas cu 20 anja di experiencia den e tereno di asuntonan di personal y organisacion.

Desde e recesion economico y su efecto riba e mercado laboral, surveys teni bou empleadonan profesional ta mustra cu mas y mas tin e deseo pa compronde kico nan contribucion significante ta den e trabou cu nan ta eherce.  Companianan no ta expande asina liher riba e cantidad di trahado y especialmente no esnan mas caro. Esey ta pone cu e profesional ta hasiendo mas trabou pa duna un man den e negoshi. Ttin biaha nan ta combina  dos of tres funcion. Segun e situacion ta dura mas largo cu simplemente un reemplazo temporario, e empleado ta cuminsa sinti su mes cansa y cu stress. Akinan ta caminda profesionalnan na gran escala ta hasiendo nan mes e pregunta “Kico ta significante den e contribucion cu mi ta hasi den mi trabou?”. 

Continue reading ““Kico ta significante den e contribucion cu mi ta hasi den mi trabou?”…. scirbi pa Karen Angela”

Cambio di clima moral: Ken su responsabilidad ta pa stop di susha Aruba?

Eiland Schoonmaken
Eiland Schoonmaken

De bes en cuando ta interesante pa scucha discushonnan den lugarnan publico. Poco dia ey mi tabata tende esaki riba e tema interesante aki: ‘Ken su responsabilidad ta pa stop di susha Aruba? Nos ta ripara cu berdad hendenan ta bira mas conciente di e efecto di e sushi cu nos ta laga atras riba nos isla… tambe riba nos planeta. Y toch ainda tin hopi hende  cu ta duda cu si nan hasi un tiki mas nan best, esaki lo no tin mucho efecto riba e situacion den e mundo asina grandi toch, corda riba un Aruba asina chiquito.

Pakico usa un Eco tas?…Un mucha ta conta…

Zoe

Mi nomber ta Zoe Sou. Mi kier conta boso pakico ami ta haja importante pa usa e tas pa tene Aruba limpi….

  1. Paso e ta susha nos lama ora nos kier bay landa…
  2. Paso pisca y turtuga ta come e saco y ta muri….
  3. Paso e ta bula y keda pega den mata y ta mahos
  4. Paso e ta susha e cura di mi cas…
  5. Paso e ta susha Aruba y e ora turistanan ta haja Aruba mahos…
  6. Paso e ta susha mi scol….
  7. Paso te awor nos a usa e saconan di plastic den hopi tienda… esaki ta sali hopi caro, pasobra henter ora mester keda cumpra e saco di plastic…. cu e tas pa tene Aruba limpi, awor nos ta bay spaar un poco placa cu nos por usa pa tene Aruba tur dia mas limpi….
  8. Paso ora mi bira grandi, mi tambe kier landa den un lama dushi y limpi rond di Aruba…
  9. Paso nos mester juda Papa Dios cuida nos mundo…
  10. Pesey ami ta pidi tur hende pa usa e tas pa tene Aruba limpi…

E arte di empaketa…

Den tempo di crisis aki, ta bon pa nos busca metodonan pa economisa den nos bida diario.

Dor di busca den revista y riba internet, bo por haja ideanan fabuloso. Dor di cana rond y compara prijs, bo por haja material na bon prijs. Paga tino na e baratijo den tiendanan, bishita mercadonan di purga, cambia material cu bo amiganan…y asina mira con hopi lihe bo por traha un empake pa bo regalo cu ta impacta dos biaha… prome pa e empake y despues pa e regalo mes…

Loke tambe ta leuk pa forma un grupo di amiga y hasi un anochi unda ta trese material hunto y ta traha cosnan leuk hunto. Tambe por pidi un hende experto pa duna un workshop

Tambe muchanan ta gusta traha nan propio empake. Djis duna nan un poco material y strik y wak con bunita resultado nan por logra… Asina ta sinja nan di chikito pa ta carinjoso pa nos planeta…Exito!