Comprondiendo Bida – Page 31 – 'Compronde bo bida y biba mas felis.'

Balor Spiritual di tur bida… Guisela Croes, PHD

Everything in life has its value and is interconnected… by Guisela Croes, PHD

Loke ta crea y sostene bida ta un poder, un forma, un energia cu nos no por wak ni mishi, pero si nos ta sinti y experencia su existencia den tur cos bibo y cu ta move.

Un acto di gratitud, aprecio, respet, como tambe un acto di pordon, gracia, misericordia, compasion y sirbishi tin balor spiritual, pasobra nan ta forma parti di nos bida. Nos por reconoce cu rabia, desapunto, rencor, vengansa, desgusto, tambe di salud, malesa, bida, morto y tin nan balor spiritual.

Continue reading “Balor Spiritual di tur bida… Guisela Croes, PHD”

Amor y Adiccion… E storia di e bichi y e barbulet … Dimitri Halley y Ingrid Werleman

The story of the catterpillar and the butterfly… lfor those who want the real life…

Dimitri:…E storia e bichi y e barbulet ta conta di e bichi cu ta biba den e creencia cu e lodo cu e ta biba aden, ta tur loke cu tin den bida p’e. E ta kere cu ta muri e ta bay muri ora e proceso pa bay den e coccoon cuminsa. E no sa cu e lo transforma den un barbulet bunita. E barbulet cu ta nace for di e bichi sushi ta sinti su mes asina felis den su mundo di beyesa cu e ta lubida pa bay bek y conta e bichinan cu a keda atras, cu tin un bida mas bunita ora bo transforma y tribi di bula mas halto.

E proceso aki lo yega finalmente pa touch e cualidadnan mas halto den un hende.

Continue reading “Amor y Adiccion… E storia di e bichi y e barbulet … Dimitri Halley y Ingrid Werleman”

Amor y Adiccion… pa touch bo alma… resumen di un tayer cu Dimitri Halley, psicologo

Love and addiction… the first part by Dmitri Halley, psychologist

Amor ta un tema cu ta toca nos tur. Hopi di nos ta busc’e den e amor cu nos ta ‘spera’ di e otro, pero e amor berdadero ta sinta den loke nos ta encontra ora nos ta liber di berdad, liber di expectativanan pa cu otronan den nos bida. Esaki ta hiba nos na un conciencia cu por yuda nos pa topa e amor di un nivel mas halto. Den griego nan ta yam’e ‘Agape’ e amor incondicional, cu no ta discrimina, ni husga. E ora bo ta cla pa tur tipo di amor, paso bo no ta’depende’ di otronan mas, bo no ta bira e catibo ni e adicto mas…bo ta liber…pa amor di berdad.

Tur hende tin un deseo profundo pa ta felis. Ta e forma con nos comunidad a domestica nos y hasi nos hopi bes adicto na cosnan material y deseonan cu ta pafo di nos a crea asina tanto relacionnan di dependencia.

Continue reading “Amor y Adiccion… pa touch bo alma… resumen di un tayer cu Dimitri Halley, psicologo”

Hopi hende na Aruba no ta drumi bon… Tips pa un soño saludable!

In need of some valuable tips for a healthy sleep? Dr. Falconi helps us to explore some…

Di dos parti di un entrevista cu Dr. Jaime Falconi, neurologo y psichiatra

• Aceptacion di e reto y problemanan den nos bida. Hopi famia na Aruba conoce situacionnan cu no ta facil. Cuido di nos yiunan den un sociedad cu tin hopi mas peliger cu antes…cuido di un mayor cu ta dement… morto den famia cu ta hinca hende den un proceso di luto largo…

Continue reading “Hopi hende na Aruba no ta drumi bon… Tips pa un soño saludable!”

Hopi hende na Aruba no ta drumi bon…Preocupacion ta stroba soño…Ki consecuencia esaki tin?

Problem falling asleep? Dr. Falconi explains possible reasons…

Prome parti di Un entrevista cu Dr. Jaime Falconi, neurologo y psichiatra

Dr. Jaime Falconi, neurologo y psichiatra Arubiano tin e tema aki como un punto di atencion grandi. E no ta solamente un problema serca hende grandi, pero pa hopi tempo caba e ta un fenomeno cu nos ta wak tambe serca hobennan y te hasta serca muchanan hopi chikito.

Di con?
• Pasobra nos custumbernan di biba a cambia, consecuentemente tambe nos ritmo di drumi.

Continue reading “Hopi hende na Aruba no ta drumi bon…Preocupacion ta stroba soño…Ki consecuencia esaki tin?”

Bo tin problema pa lanta mainta tempran di bo cama? Algun tips!

Problem getting up in the morning? Read some tips on www.comprondiendobida.com

Si ami sigur cu si! Mi’n ta nenga…. y segun estudio, esaki ta e caso cu masha hopi hende. Toch expertonan ta haja cu esaki no mester ta asina hopi problema. Lesa kico abo tambe por hasi!!!

NO pone bo wekker riba ripiti/snooze:
Si, hopi di nos tin e manja di pone e holoshi algun minuut mas tempran, pa despues nos keda drumi algun rato mas. Y nos ta keda primi e konopi di ripiti pa drumi un 10 minuut mas. Pero sin cu nos sa, nos ta primi algun biaha y nos ta cay laat. Y awo nos tin cu pura y hinca stress den nos curpa. NO un bon idea dus.
Estudio ta mustra cu ora nos lanta di biaha ora e wekker bay, esaki ta duna nos hopi mas energia cu si nos keda drumi un rato.

Continue reading “Bo tin problema pa lanta mainta tempran di bo cama? Algun tips!”

Sinti e miedo y hasi’é toch…

Mi a reconoce hopi berdad den e buki ‘Feal the Fear and do it anyway’ di e psicologo dr. susan Jeffers cu mi ta comparti aki bou.
Confronta nos miedonan nunca ta mes espantoso cu e miedo inconciente su tras cu ta laga nos sinti nos mes indefenso.
Lesa esaki un biaha mas, pasobra e ta por ta un tiki complica pa acepta. Experencia ta mustra cu tardi of tempran bida lo presenta nos cu situacionnan cu ta saca nos for di nos comfort di bida. Mas indefenso nos ta sinti nos mes, mas grandi e miedo inconciente cu ta terorisa nos. Hopi hende ni kier pensa mes cu un dia nan lo haja nan den un situacion cu ta kita nos seguridadnan den bida.

Continue reading “Sinti e miedo y hasi’é toch…”

‘Con mi ta bira un djaka?’ … e arte di konkel y conspiracion..

For di un cantidad di buki cu mi a lesa e ultimo tempo, tin hopi cu a resalta den e forma habri cu nan ta trata temanan cu ta taboe. Ta importante pa nos sa con mundo ta hinca den otro. E ora nos sa sigur cu cada biaha cu nos scoge cu nos a scoge conciente. E buki ‘Hoe word ik een rat’… de kunst van het konkelen en samenzweren… a capta mi atencion pasobra e ta hiba nos den e mundo di sushedad cu hende por usa pa logra nan metanan a costo di otro. E cuchui ta corta dos banda, mescos cu majoria cos den bida. E buki por ta un guia pa esnan cu kier bira un djaka of un advertencia pa e asina jama ‘bon hende’… pa scoge unda e no kier ta… pero si sa ki forsanan tin den nos mundo… Spera cu cada lesador scoge pa e ultimo…

Quote:
“Esun cu nunca a susha su man, nunca a biba…“

Continue reading “‘Con mi ta bira un djaka?’ … e arte di konkel y conspiracion..”

Siñando pa bula…creando paraiso riba Tera…

‘Bida no ta facil’, asina nos a siña. ‘Pero e no ta asina dificil tampoco…’, ta loke podise nos mester cuminsa train pa pensa. Berdad bida ta un caminda jen di reto, pero e ora ta e cuestion pa nos cuminsa mira e retonan como oportunidadnan. Posibilidadnan pa nos crese y saca beneficio di nan. Como ser humano, nos tin e tendencia di keda pega den nos pasado y sinti nos mes e victima di loke ‘otronan’ a pone nos sufri. Asina nos por hunga e rol di nan consenshi y laga nan mes sinti nan mes culpable pa loke nan a hasi nos. Nos por bira e cos aki rond y pensa cu no obstante kico hende y bida a hasi nos, nos kier sigi padilanti y mustra cu ‘ami’ ta mi maestro humano di mas grandi. Ami por educa mi mes, pa los di mi pasado.

Continue reading “Siñando pa bula…creando paraiso riba Tera…”

Bida ta un caminda…no un lucha…y con pa cambia nos custumbernan cu ta limita nos…

Bida ta un caminda…no un lucha…y nos tur por cambia nos custumbernan cu ta limita nos…

Mi ta dilanti un lift y ta mira e escenario aki mi dilanti: dos conoci ta topa otro net dilanti e lift. Esun ta puntra e otro: “Conbay?”. E otro ta contesta (manera hopi di nos: “Ay, bo mes sa. Luchando!”. E otro ta contesta:”Tanten cu bo tin forsa pa lucha ta bon ainda!”. Si mi haja un chens semper mi ta mete mi mes y bisa: “Stop di lucha…djis biba e bida. Cada biaha cu bo bisa bo mes cu ‘bida ta un lucha’, bo ta ‘hasiendo’ un lucha di bo bida. Pasobra esey ta loke bo ta bisando bo mes y bo subconciencia”. E ora mi ta corda riba cuanto biaha hende ta contesta mescos ora puntra nan ‘con ta bay’!. Cultura y custumbernan ta cosnan cu hasi nos ‘ken nos ta’. Dicon?

Continue reading “Bida ta un caminda…no un lucha…y con pa cambia nos custumbernan cu ta limita nos…”