Un tema di e workshop ‘Birando e Cambio’ ta ‘Kico ta Amor?’, presenta pa Ingrid Werleman y Belquis Moreu
Esaki ta un tema cu lo trese diferente punto di bista riba cua nos por pensa… Un di nan ta si ta importante pa Crea Conciencia Comunitario cerca nos yiunan…
Pakico si? Pasobra e unico manera pa un mucha sinja ta dor di experencia propio…pero loke nos ta mira hopi awendia cu ta sobre-proteje e muchanan demasiado. Nos ta wak cu e ta hopi mas cu 3 generacion atras. Antes e muchanan tabata traha gran parti di dia den campo y nada tabata pasa nan. Ta berdad cu tin mas peliger den caja, pesey ta importante pa como major nos realisa cu: ‘Mi jiu no ta mi amiga, pero ami ta su coach y mi ta hasi esaki cu amor y disciplina’.
Ta importante tambe pa nos realisa cu amor semper ta gana… hopi biaha ta difcil pa ta major. Como major nos no kier papia di mas y pesey nos mes ta hasi tur cos den cas. Y despues nos ta zundra, pasobra niun hende den cas ta juda. Pero ta bon pa pensa cu si un otro hende ta hasi tur cos den cas pa e mucha, e lo no move un dede. Cu e actitud aki nos ta stroba e mucha di bira balente y si mester, cu e lo juda un otro hende. Dicon? Pasobra nan no ta haja chens pa experencia kico ta nifica pa juda un otro prohimo. Pero ora nos jiunan kier bay e scol of universidad di mas caro ora e bay afo bay sigi studia, e pregunta ta di con hopi di nos muchanan ta faja den un pais unda e muchanan ta sinja di chiquito pa ta independiente. E regalo di mas grandi cu bo por duna bo jiu ta di jud’e desaroya e sentido di responsabilidad di chiquito. Crea Conciencia Comunitario cerca nos yiunan… ta Amor tambe… un bunita forma di Amor … combina cu disciplina…