Un meta importante di e workshopnan di wellness ta pa duna e participantenan instrumentonan basico, practico y efectivo pa por crea un balansa sano entre cas, trabou y sociedad den nan bida. Esaki pasobra si bo ta sinti bo mes bon y felis cu bo mes, bo por tin tur atencion pa tur loke ta rondona bo y cumpli cu loke abo a propone.
Cada biaha mas hende ta discubri e balor di duna nan mes balor. Cada biaha mas hende ta realisa cu nan curpa ta un instrumento hopi importante pa por logra nan meta y sonjonan di bida. Hopi biaha nos ta pensa cu trabou y cosnan material ta e metanan principal den bida y ta lubida cu esaki ta nos propio crecemento personal y spiritual.
Pesey ta bunita pa mira cu mas hende ta bin den famia of pareja na e workshopnan di wellness. E ultimo workshop a concentra riba e tema stress y relajacion. E tabata un evento cu tabatin un combinacion di informacion teoretico, cu hopi ehercicio practico, tin ora combina cu momentonan sereno, otro biaha agradable y te hasta humoristico tin ora. E participantenan a gusta e wega di exito cu tabata duna mensajenan cu ta klop cu cada persona. Un bunita ehercicio pa sinja conoce bo mes y otro miho. E ratonan di meditacion ta sinja nos cu silencio ta juda nos pa crea espacio den nos bida. Esaki ta e caso tambe cu e ratonan dedica na atencion dirigi of mindfulness. Cu e ejercicionan di energia a sinja con simpel ta pa kita cansancio na un forma simpel y lihe. Cu judansa di Maria Petit nan a sinti cu nan mes por duna nan mes of otro energia dor masseer nan man y pia dor di sinti cu atencion loke e curpa ta pidi.
A haja sa mas di tapping (E.F.T.) y tantrums loke ta tecnicanan excelente pa juda kita e stress di bida.
Y a finalisa cu un dushi soppi di pampuna na Camacuri Residence
Den e prome y di dos siman di november ta ripiti e workshopnan. Pa mas informacion wak nos pagina riba Facebook. E workshop ‘Wellness cu puro naturalesa’ ta riba diahuebs, nov. 3,diasabra, nov. 5, 5or atardi – 7.30. E workshop ‘Wellness y Stima Bo Mes, Tecnicanan pa kita Stress y Relaja’ ta riba diasabra, nov. 12, 5or atardi – 7.30. Pa workshop ta costa 25 Afl. Pa mas info & of pa registra por jama 741 3300 (Ingrid) of 734 1994 (Francis) of bay www.camacuri.com of www.comprondiendobida.com