Riba peticion nos ta cuminsa un rubrica cu e tema ‘Dios den Bida Diario’. E idea ta pa cada hende cu ta desea esaki por scirbi algo riba e tema. Por ta bo kier conta con abo ta duna contenido na e tema aki. Of bo por duna sugerencia con pa duna e tema forma den nos bida diario.
E tema ta pone mi corda e dicho cu ta bisa cu Dios mester di hende pa ta su brasanan riba mundo. Esaki ta un bunita pensamento cu ta papia di e compromiso cu ta existi entre e hende y Dios. Mi ta pensa cu nos no mester ta semper pendiente pa wak kico ‘Dios por hasi pa nos’, pero bira mas activo kico ‘nos mes por hasi pa juda otro’ of ‘kico cada un di nos por hasi pa juda Dios’.
Pa mi ‘Dios den Bida Diario’ ta nifica pa biba mi bida segun mi imagen di Dios. Mi imagen di Dios ta uno amoroso y jena cu compashon. Un major madura cu ta inspira su jiunan pa bira hendenan responsabel y cu ta hasi nan esfuerso pa hiba un bida cultivando e cualidad y birtudnan Divino. Pa mi ‘Dios den Bida Diario’ ta ora nos ta hasi nos esfuerso pa compronde otro, juda otro, edifica otro. Pa laga atras un mundo hopi mas miho cu nos a haja. Ora nos ta usa nos poder pa crea cosnan balioso y bunita cu ta contribui na e bienestar y felicidad di nos prohimo. Ora nos ta biba bida for di e filosofia pa ‘sirbi’ Dios dor di sirbi bida, sirbi nos prohimo y ta e bon ehempel pa e generacionnan cu ta sigi nos…
Den e proceso aki e coneccion cu nos ta crea cu Divinidad lo ta nos guia y inspiracion y nos lo bira manera magneet pa atrae y crea cosnan bunita den bida…cosnan cu ta agrada nos Creador…
Abo kier comparti bo pensamento? Mail e via nos contact riba www.comprondiendobida.com of ingridwerleman@gmail.com