Dios den Bida Diario, segun Angelo Angela

Si mi ta cana cu Luz, no necesariamente e ta hacimi un persona Amoroso
Si mi no ta kere den Luz, no necesariamente mi ta un persona sin Amor

angelo angelaMi ta pone mi punto di bista como no-creyente. Bo no mester di Dios pa haci bondad, pero bo por usa Dios pa comete maldad.
Saca for di mi nota pa esnan cu ta husgami pasobra mi ta un no-creyente: “Ken, Ami?” Si mi a bandona Religion, no kiermeen cu mi ta sin rumbo
Si mi no ta Spiritual, no kiermeen cu mi falta escencia
Si mi ta prefera Logica, no kiermeen cu mi no por crea momentonan magico

Pasobra aunke biento a contesta mi oracion, semper mi ta anhela y spera
Pasobra aunke mi ta nenga di invoca Spirito, mi sa cu bida ta brota for di mi
Pasobra aunke cu e Universo no a conspira pa mi cumpra spicenan, mi platonan ta yena cu mi hechizo di amor

Mi no mester di e Universo inmenso y mudo pa mi oreanan, si e Tera y e orkesta symfonico di su criaturanan por trankilisami
Locura no ta autenticidad, siguridad y trankilidad no ta haula kitando mi libertad. Reglanan absurdo imponi door di mes si ta. Lucha y sufrimento no ta mito. Bisando cu tur cos ta bon, mientras bo curason ta pena si ta.

Si mi tin bastante rabia paden, no ta pasobra mi no tin lugar mas pa stimacion
Si mi odia un persona, no ta pasobra mi kier pa tur cos malo pas’e
Si mi stima un persona, no necesariamente mi mester ta contento cu ne tur ora
Si mi ta cana cu Luz, no necesariamente e ta hacimi un persona Amoroso
Si mi no ta kere den Luz, no necesariamente mi ta un persona sin Amor

Leave a Reply

Your email address will not be published. Required fields are marked *