Category: Articulo

Pensando cu e mente di Dios…

Bida ta yen di reto y cada periodo tin su propio significacion…
Cada dia, cada momento…

pensando cu e mente di Dios
Pensando cu e mente di Dios…

Bida ta yen di reto y cada periodo tin su propio significacion…
Cada dia, cada momento…
Mi a sinja den ultimo anja di mi bida…
Cu bida ta mes jen di misterio cu e ta jen di milagro…
Y mi a sinja pa bisa ‘danki’…
Si no cu palabra…
Cu mi intencion y curason…
Na cada un cu a aporta na mi balor di bida…
No ta semper cosnan tabata facil…
Pero mi a purba di semper pensa no cu mi mente di hende…
Pero cu e mente di Dios…
Kico mi Dios lo a hasi den cada situacion…
Y e contesta semper tabata…
‘Djis sigi duna Amor…’
Danki hende,
Danki Dios…

Ingrid – 2012

Aruba – 18 di Maart … un storia di Al Figaroa

Bunita ta ora nos ta documenta nos recuerdonan. Al Figaroa ta corda e Aruba cu e ta stima… dia cu e tabata un hoben….Les’e y gust’e! Y manda nos di bo!

Aruba, mi patria stima!
Aruba, mi patria stima!

Mi a lanta marduga bou di canto di Chuchubi y Trupialnan colorido. Solo mes ainda no a spierta completamente pero mirando e prome rayonan ya caba mi sa cu e dia lo ta hopi bunita. Riba e 18 di maart aki mi ta sinti cu henter Aruba kier canta su Himno … “Oh Aruba, dushi tera …”. Pero awe mi kier celebra na grandi e dia aki na mi mesun manera, bibe un rato den pasado y pa recorda mi mes bon ken mi ta. Mi ta bula den mi Chalapi e mainta ki y bay mi ta bay …

Rumbo pa West Punt caminda mi ta pasa dilanti mi Tanta su cas pa pasa pite cuminde, bise bon dia. Mi no por para y combersa paso ta Faro mi kier yega pa caba. Despues di un rato coriendo rumbo pa Faro mi ta bin topa cu Boca Catalina caminda mi primo a sinja bula for di baranca y sambuya. Poco mas a leu coriendo mi ta bin topa cu Arashi caminda mi famia ta campa tur aña y unda mi a sinja hunga domino y suta mi prome piedra sin lubida haya tambe mi prome sapato. Pero ta e punto mas ariba mi kier yega y no falta mucho mas. Unabes riba Faro para mi ta mira na mi alrededor y tur loke cu mi ta constata ta una beyeza. Mi bista ta mira laman bruto panord, Hooiberg den zuid, Hotelnan cu nan estatura espectacular cu palo di coco y palmitanan dorna. Un bista chiki mas y mi tin cu seca un lagrima.
Solo ya caba ta casi na halto pa brasa Aruba cu su rayonan y ya mi por casi tende bida cuminsa canta riba nos pida baranca y ami atrobe ta cabes abou en busca di mi sigiente aventura.

Derechito bek pa zuid mi ta pasa riba caminda di Malmok y mi ta pasa mira Antillas y mi ta recorda segunda guera mundial y con nos a wordo scapa. Poco mas na zuid mi ta pasa banda di waf di Hadicurari caminda piscadonan ta mara nan boto y e pier caminda mi a tira mi prome liña na awa. Mi nunca no a gara nada pero semper a wordo genek door di ladronchinan ferfelo. Esta un dushi tempo esey tabata.

Sigiendo mi ruta riba mi Pais Natal y mi bario stima, ta Alto Vista mi tin cu pasa y laga un oracion chikito atras. E Kapel chikito eynan ta trece hopi recuerdo, specialmente riba diamars, e dia cu mi Mama tabata hibami eynan pa nos por resa na Dios. E olanan cu ta lora y kibra riba e barancanan cercano, ta produci un ritmo asina Sereno cu bo ta pensa ta den cielo mes bo ta. Tur esaki tabata posibel riba un simpel pida sero chikito rondona den naturalesa. Y na caminda pa Alto Vista mi ta pasa banda di Juju su cas, e homber stranjo cu nos mayornan semper a spanta nos cune y pa confronta nos miedo, tabata bay tira piedra riba dak di su cas pa un dia wak su cara mahos. Mucha ta keda mucha berdad, semper inocente y fragil, pero cu un bon educacion un dia cielo nan lo alcansa. Pero mi ta sigi …

Crusando cada caminda cu mi concoce den mi planti man y pa prome cu merdia bati, ta na cas di famia mi kier ta. Mi ta pasa hole loke tin den weya den cushina cu ta temperando desde mainta trempan cual ta costabo un klap riba bo man si bo mishi sin cu nan sa. Pero ya, un cuminda crioyo no ta cos di bisa no riba 18 di maart. Sea ta Jambo, Boonchi, Banana of Kabrito stoba, tur di nan ta cos di saboria. Despues di aki bariga yen of no toch cerca mi Mama mi ta pasa pa mi Pisca hasa y pan bati. Mi mester di mi forsa riba e dia aki ya cu e ta largo y sobre todo pa loke cu un djis ta bin. Y sigur cu si e ta bin …

Despues di a recore mi bario y a mira gran parti di Noord, specialmente Misa Santa Anna y mi scol basico Aloysius, mi ta marca mi mes prepara pa core tras di e porco di Osberio pa purba gare aya na veld di Nacional. E dia a cuminsa trempan caba eynan tambe y e bista ta espectacular. Muchanan ta core, hunga y competi. Si no ta di alegria, ta un wega nan ta hungando of nan a caba di gana e premio di flie mas bunita, mas leu of esun cu a para cu mas kacho. Premio tin pa tur esnan cu ta bin competi. E ta simplemente un dia felis. Y pa caba cu e dia, gruponan di diferente bario di Noord ta bin competi pa subi e bendita palo di Seba. Y segun historia ta conta, aya na veld di Nacional, tur hende sa cu Bad Boys Club semper a gana. Competencia nunca no tabata tin pa e muchanan di Palm Beach. Un club di hobennan cu tabata Hip den nan tempo cu nan casita di palo aya Montserat den un mata na halto. Mi mes nunca no a hunga parti den nan, pero si mi a wordo ofreci mi prome shot di Palmera, nan bebida preferi.

Aruba celebrando 18 di maart, tanto cos pa recorda y tanto cos pa hasi. Mi a marca e dia y conte elaboradamente sin duna danki na ken. Y ken, ta Rufo Wever y Padu Lampe pa nos Himo bunita cu rima y composicion precioso . Y si algo ta sigur di nos Himno, ta cu nos ta e Baranca cu no tin nada pa kibre. Cu orguyo mi ta zwaai mi bandera y mira Aruba den mi. Nos tur tin nos mesun storia y di e bario cu nos lanta aden. Mira bo mes, recorda y recita …

18 di maart atrobe ta e dia cu mi kier admira mi Aruba y su hendenan cu e a cria. Un ciclo di bida y recuerdo cu no mester bay perdi. Ban engrandece awe una bes mas nos Himno y Bandera na un manera mereci!

Autor: A. Figaroa ©

Con abo ta celebra Dia di Amor y Amistad

Happy Valentine’s Day na TUR lesador di Comprondiendo Bida…
Realisa awe cu amor ta hopi mas cu amor pa nos pareja…

e lama di amor

Happy Valentine’s Day na TUR lesador di Comprondiendo Bida…
Realisa awe cu amor ta hopi mas cu amor pa nos pareja…
E ta podise mas necesario pa stima y manda amor pa esun cu menos ta stima bo…
Pa esun cu mas a herida bo…
Mi ta desea bo un dia jen di rikesa y amor…

Danki na mi modelonan pa e potret misterioso aki…
Un tata cu yiu cu no semper ta compronde otro…
Pero ta stima otro te hasta den e momentonan cu nan ta parse di hasi bida di otro un poco imposibel…
Love the 2 of u… you add meaning to my life…

E pensamento bou di e potret:

E lama di Amor…

Pasando den etapanan, nos ta bira parti di e misterio di bida…
Nos ta biba y sinja…e significacion berdadero di AMOR…
E esencia di ken nos TA di berdad…
Nos rason di SER… podise ta pa djis TA un gota di awa den e oceano di Bida…
Den e lama di Amor…
Y asina co-crea shelo riba tera…

– Ingrid

Soledad y Solitud

Si nos busca pa suavisa nos soledad, cada biaha nos lo desvia di nos caminda real di bida. Na momento cu nos crea un relacion berdadero cu soledad, e ta bira SOLITUD y nunca mas nos lo ta nos so…”

solitud― Chögyam Trungpa tabata un buscador di e berdad. E la nace na Tibet. Lesa kico e ta bisa nos den e pensamento aki…. Pensa kico e por nifica pa bo bida…

“…nos ta laga nos pais, nos tera, nos propiedad y nos amigonan atras. Nos ta domina nos ego dor di laga e cosnan material cu ta hasi nos prisonero atras. Nos ta admiti cu nos ego no tin ningun poder pa controla nos mundo y sigi existi, si nos no ta alimenta nos ego. Nos ta laga nos necesidad pa sinti nos mes superior na otro un banda…
Nos ta stop di busca un cas y nos ta bira un refugiado, un hende solitario cu ta sinja depende riba su mes.

Fundamentalmente, niun hende por juda nos. Si nos busca pa suavisa nos soledad, cada biaha nos lo desvia di nos caminda real di bida. Na momento cu nos crea un relacion berdadero cu soledad, e ta bira SOLITUD y nunca mas nos lo ta nos so…”

Honrando nos hendenan, Betico Croes

Ta bon pa nos duna honor na nos yiunan di Tera cu a duna di nan bida pa nos por ta unda nos ta awe… Riba ‘Dia di Betico’, ban honra Betico.

Betico Croes
Cu danki na Wikipedia den papiamento.

‘Ta bon pa nos duna honor na nos yiunan di Tera cu a duna di nan bida pa nos por ta unda nos ta awe… Riba ‘Dia di Betico’, ban honra Betico. -Ingrid’

Na 1972, a continua cu e proceso di decolonisacion y independencia inicia for di aña 40 na e conferencia na Surnam, na unda Betico Croes di partido MEP (Movimiento Electoral di Pueblo) a propone tambe un “sui-generis” Dutch Commonwealth di cuater pais y estado independiente miembro: Aruba, Hulanda, Surnam y Antia Hulandes, cada un cu su propio soberania y identidad nacional. Mr. C. Yarzagaray, representando e partido politico AVP (Arubaanse Volkspartij), a propone pa tene un referendum pa e pueblo mes dicidi su propio destino y a proclama cu: “Aruba hamas lo acepta un federacion ni un nacionalidad di segundo categoria”.

Betico Croes mesora a inicia na Aruba un campaña pa informa y prepara e pueblo di Aruba pa Aruba su independencia politico y un status aparte den un commonwealth Hulandes liber di tur resto di colonisacion. Na 1974 e Ministro di Structura Estatal a percura pa publica e “Witboek over de Status Aparte”, y na maart 1976, un comite nombra pa gobierno di Aruba a logra keda cla cu tur preparacion pa a introduci e bandera y himno nacional di Aruba como e dos simbolonan di Aruba su soberania y independencia, y hunto tambe a fiha 18 di maart 1981 como fecha pa Aruba su independencia como pais completamente separa y independiente cu un status aparte como estado miembro di un commonwealth nobo, moderno, bou di un statuut dor di cual lo a elimina pa semper e gran berguensa di tur e resto di dominio y poder colonial.

A sigui na maart 1977, cu e referendum (Aruba a ser obliga pa a yama e referendum aki un ‘encuesta’, pasobra pa ley Aruba no tawata permiti pa tene un referendum) pa e pueblo mes determina su futuro cu a ser teni cu e sosten di e Nacion Uni y 82% di e votadonan a scohe pa independencia: pa Aruba ta un pais riba su mes, y cu derecho di ta un estado miembro di un comonwealth nobo, moderno Hulandes, manera tawata e deseo di e pueblo ya for di añanan 40, pa Aruba iguala cu e otro cuater paisnan cada un como Estadonan di Miembro lo a obtene nan ‘status aparte’ eyden.

E gobierno di Aruba a asigna e ‘Instituut van Sociale Studies’ den Den Haag pa haci un estudio di Aruba su independencia, cu a wordo publica den 1978, cu e titlo “Aruba en Onafhankelijkheid, achtergronden, modaliteiten en mogelijkheden; een rapport in eerste aanleg”.

Na e conferencia di Den Haag den 1981, Aruba su independencia a wordo proponi na 1991. Den maart 1983, basa riba e Referendum, finalmente Aruba a haya un trato oficial den Reino, pa Aruba su decolonisacion y independencia, e prome pais birando den Reino Hulandes, cu su mesun costitucion, unanimamente aproba y proclama den augustus 1985, y despues di un eleccion teni den november pa Aruba su prome parlamento.

Aruba a separa for di Antia Hulandes y bira oficialmente un pais y e di tres miembro di estado den Reino Hulandes dia 1 di januari 1986, cu despues di 10 aña Aruba e ful independencia na aña 1996, y cu e abolicion di Reino Hulandes Bieu. Un miembro di estado nobo di e nobo Reino Hulandes como completamente nobo y moderno di Dutch Commonwealth, liber di tur dominio colonial.

E logro grandi aki ta danki na e United Nations Resolutions pa elimina colonialismo y tambe na Betico Croes y e steun politico di otro nacions manera Merca, Panama, Venezuela y varios pais Europeo. Croes tawata proclama e “Libertador di Aruba” despues di un accident tragico dia 31 december 1985 y a fayece den november 1986.

Poder di Intencion y bo proposito den 2012

Poder di Intencion ta un energia Universal na cua nos tur tin aceso! E ta hasi posibel pa nos co-crea E Bida cu nos ta desea di berdad.

e poder di intencionRe- programa bo mes cu e pensamentonan aki:”Mi ta stima mi mes, mi ta acepta mi mes manera mi ta, mi ta aproba mi mes”… “Mi ta sano y perfecto manera mi a ser crea, mi tin e curpa ideal”, “Mi ta e jiu stima di un universo abundante: nada ta falta mi”.

“La primera lección que he recogido del libro. Aprender a descubrir las mentiras de tu ego y desbaratarlas en base a 6 frases:
1. No SOY lo que tengo. Mis posesiones no me defienen como persona.
2. No SOY lo que hago. Lo que consigo no me define como persona.
3. No SOY lo que los demas piensan de mi. Mi reputación no me define.
4. No ESTOY separado de los demás. No es mi cuerpo lo que me define como ser único.
5. No ESTOY separado de todo lo que me falta en la vida. Las cosas están allí, porque el universo es abundante, solo tengo que mirar bien y aprovecharlo.
6. No ESTOY separado de Dios. Mi alma es parte de Dios, y como tal, inmortal e infinita.”

Diasabra, januari 14-21-28… Workshop ‘ 2012 y bo proposito di bida’, combina cu Wellness cu puro naturalesa. Basa riba e buki ‘The Power of Intention di dr. Wayne Dyer. E Aruba Wellness Garden
Poder di Intencion ta un energia Universal na cua nos tur tin aceso! E ta hasi posibel pa nos co-crea E Bida cu nos ta desea di berdad.

Esaki y mas bo por hasi na e workshop aki! Bin cu bo famia, amigo, colega of bo so.

Pa workshop: 25 Afl.
Mas info & registra? Jama 741 3300 (Ingrid) of 734 1994 (Francis)

bo por bishita www.camacuri.com of www.comprondiendobida.com

Riba Facebook bo por bishita e paginanan: Comprondiendo Bida of Aruba Wellness Garden

Den 2012 cu hopi amor mi ta sacrifica tur mi miedonan…

Nos kier cambio di berdad den nos mundo? Y unda cambio ta cuminsa? E mensaje aki ta mustra kico ta e cosnan di balor real den bida. Bo kier miedo of bo kier amor? Y kico ta amor den su forma mas halto?

there is no fear in loveNos kier cambio di berdad den nos mundo? Y unda cambio ta cuminsa? E mensaje aki ta mustra kico ta e cosnan di balor real den bida. Bo kier miedo of bo kier amor? Y kico ta amor den su forma mas halto?

(Interpretacion liber di un les di ‘Un Curso den Milager’ / ‘A Course in Miracles’)

E unico ‘sacrificio’ cu mi tata celestial ta pidi mi ta pa laga bay tur sufrimento. Laga bay tur sentido di perdida y tristesa, tur ansiedad y tur duda. E unico cos cu mi tata celestial ta pidi mi ta pa laga presencia di amor incondicional crese den mi bida. Pa cura bida di tur dolor y dun’e alegria eterno.

Esaki ta e ‘sacrificio’ cu Abo ta pidi mi y gustosamente mi ta duna esaki; e unico ‘prijs’ pa restaura Bo memoria, pa salbacion di e mundo.
Y nos ta paga e debe cu nos tin cu e berdad,–un debe cu ta unicamente di laga bay decepcionnan personal y pensamentonan falso cu nos ta adora—pa asina laga berdad bolbe den tur su grandesa y alegria. Nos lo no worde enganja mas. Amor a bolbe den nos conciencia. Y nos tin pas atrobe, pasobra miedo a bay y Amor so a keda…

Ayera tabata Pasco….Un Carta di Hesus

Con bo a pasa bo Pasco? Victor Hunt ta comparti un carta di Hesus pa corda nos riba e origin di Pasco….

Hesus CristoUn contribucion di Victor Hunt

Manera bo sa, e dia cu mi ta hasi anja tabata ayera. Tur anja tin un celebracion na mi honor y mi ta kere cu e anja aki e celebracion lo wordo ripiti.
Durante e periodo aki tin hopi hende ta cumprando regalonan, tin hopi anuncio riba radio, ariba television, anto den tur parti di mundo tur hende ta bisando cu e dia cu mi ta hasi anja te jegando mas y mas serca.

E ta hopi bon pa sa, cu por lo menos un biaha pa anja, hende ta pensa ariba mi. Manera boso sa, e celebracion di e dia cu mi ta hasi anja a cuminsa hopi anja pasa. Den cuminsamento hende tawata comprendo y gradicido pa tur cos cu mi a hasi pa nan.
Pero awendia, e ta parse cu niun hende ta corda e motibo pa e celebracion. Famia y amignan ta bini hunto y pasa bon, pero nan no sa e motibo pa e celebracion.

Mi ta corda cu anja pasa tawata tin un fiesta masha grandi mes na mi honor. E mesa di cena tawata jen di cuminda dushi, bolo, fruta, chuculati y mangel. E decoracion tawata tremendo y tawata tin hopi, pero hopi regalo mes.
Pero bo kier sa algo? Ami mes no a wordo invita. Ami tawata esun cu a hasi anja, pero nan no a ni corda pa invitami.
E fiesta tawata pami, pero ora e dia grandi a jega, nan a lagami afo, nan a sera e porta den mi cara….y mi tawata kier pa ta cu nan y come hunto cu nan.

Mi kier comparti algo cu bosonan. Door cu mi no a wordo invita, mi lo tin mi mes un celebracion, un fiesta grandioso. Un fiesta cu lo dura un eternidad. E invitacionan ta sali awe y abo tambe ta invita.

Acepta mi invitacion y mi lo scirbi bo nomber cu letternan di oro den mi buki di bida.

Te aki un rato,
Cu amor
Hesus.

Pa mas informacion:
Victor Hunt
Cel. 565 9171
cvictorh@setarnet.aw

related post: Dios den bo bida segun Victor Hunt

Drumi dushi cu un ehercicio di relajacion

Tin hopi forma pa bo haja un dushi sonjo… Ata aki un tip balioso! Cu Danki na Victor Hunt.

drumi dushiE ehercicio aki bo por hasi ora bo ta bay drumi. Bo ta drumi riba bo cama cu bo curpa full plat y bo ta purba di tene henter bo curpa keto, pero tambe bo mente. Paga lus, drumi riba cama y sera bo wowo. Awor bo ta pone bo mannan na banda di bo curpa y bo planta di man poni p’ariba. Awor bo ta bay pone atencion riba cada parti di bo curpa. Pone tension prome pa despues laga los y relaha. Concentra prome riba bo pianan. Pone tension prome riba bo pianan pa despues laga los y relaha. Despues hasi mescos cu bo enkelnan, bo batata di pia, bo barica, lomba, mannan, schouder, nek y bo cabes. Awor wak si ainda bo ta sinti tension un caminda den bo curpa. Bay na e lugar aki y relaha bo mes. Concentra riba bo rosea y hasi un esfuerso pa relaha bo mes completamente. Awor cu tur tension a sali di bo curpa, bo por relaha bo mente tambe.
Continue reading “Drumi dushi cu un ehercicio di relajacion”

Ehercicionan contra Insomnia

Den dianan di fiesta di fin di anja, tin basta hende cu no ta drumi bon. Esaki por tin hopi motibo. Por ta nan a fiesta di mas of pa motibonan personal. Pa tur di nan un articulo cu tips con pa logra toch pa drumi un sonjo saludabel. Cu danki na Victor Hunt.

stress y insomniaPor ta ya caba bo a dal un dushi banjo of bo a lesa bo buki favorito of bo a resa, pero toch bo no por pega sonjo.
Tin hopi motibo pakico bo no ta drumi bon. Si bo a caba di pasa den un experencia traumatico y bo ta pasando den hopi emocion, ta masha normal cu bo no ta drumi bon. Pero pa majoria hende preocupacion ta e motibo principal pakico nan no ta drumi bon.

Podise bo no por hasi masha hopi na e problema mes, pero aki nan tin algun tips cu por traha pa bo:
1. Esaki ta un ehercicio leuk, pa bo hasi’e cu 2 hende. Busca un hende cu bo ta confia. Si bo no tin un hende cu bo por confia, realisa cu ta bon pa bo busca amistad cu bo por confia. Si ta necesario, busca judansa profesional. Sinta cara cara pa otro y pone un holoshi pa ring despues di mei ora. Abo ta cuminsa conta e otro persona tur loke ta molestia of preocupa bo. E otro persona ta scucha y tin tur atencion pa bo den e mei ora aki. E ta sacudi su cabes y ta scucha cu su curason, pero no ta duna mucho comentario. Despues di mei ora boso ta cambia e rol y abo ta scucha e otro cu mes tanto atencion. Bo por palabra pa hasi esaki un biaha pa siman of pa luna. E ta alivia!

Majan nos ta duna bo un otro ehercicio… corda bin bek!