Desaroyo di Bida – Page 18 – Comprondiendo Bida

Ora yiu ta paga e prijs di separacion

Ora e yiu ta paga e prijs di separacion…Realmente nos ta wak cu continuamente e muchanan, e yiunan ta bira e victimanan mas grandi den confrontacionnan entre mayornan. Nos ta wak cu hopi biaha un mayor of tur dos mayor no por hasi diferencia entre e situacion di e pareha y e relacion entre mayor y yiu. www.comprondiendobida.com

Basa riba experencia di un major anonimo.

Realmente nos ta wak cu continuamente e muchanan, e yiunan ta bira e victimanan mas grandi den confrontacionnan entre mayornan. Nos ta wak cu hopi biaha un mayor of tur dos mayor no por hasi diferencia entre e situacion di e pareha y e relacion entre mayor y yiu. Esaki ta un muestra grandi di inmadures emocional. E decreto universal di e derechonan di mucha ta stipula claramente cu un mucha tin derecho riba e cuido y atencion di tur dos mayor. Te ainda no tin un ley pa obliga mayornan pa cumpli cu nan deber di duna cada yiu e mesun cuido y atencion. Esaki ta lastima, paso e mucha nunca lo compronde e ‘traicion’ aki. Semper e lo puntra su mes dicon su mayor a bandon’e. E mucha port e hasta duna su mes e culpa cu su mayornan a bay for di otro. Un mucha por kere cu un mayor a bay lag’e pasobra nan no tabata suficiente ‘bon mucha’. Tambe ta conoci cu un mucha neglisha pa un mayor por asumi un actitud auto-destructivo dor di bay den vicionan di alcohol y droga, bay den criminalidad of cay den depresionnan cu por ta fatal.

Continue reading “Ora yiu ta paga e prijs di separacion”

Con pa atrae amor den bo bida

Con pa atrae amor den bo bida? Bo kier experencia amor? Awel, simpel… trese amor den bo ser. Pensa pensamentonan limpi y bunita pa bo mes y pa otronan… www.comprondiendobida.com

Bo kier experencia amor? Awel, simpel… trese amor den bo ser. Pensa pensamentonan limpi y bunita pa bo mes y pa otronan…

Hasi accionnan di amor… amor di berdad… amor cu ta sali di bo esencia…
For di e mas profundo di bo ser…

Ora amor ta bira mas y mas parti di ken bo ta, bo lo experencia amor…

Amor lo bira e refleho pa e mundo pafo di bo, di loke ta resona den bo alma, e spiel di loke abo a bira…amor puro y puro amor…amor riba pia…

Bo mundo externo lo atrae loke ta vibra den bo interior…esta amor y bondad y comprension, hermandad y humanidad…

Bo ta surpasando bo sumpinjanan y dolornan di bida pa traha lugar pa un experencia mas halto…

Amor pa bo, ja no ta mas un cos cu bo por cumpra of bende, exigi of basila…

Abo a ‘bira’ Amor… for di e paden di bo ser y amor a bira bo derecho como jiu di un universo cu ta bondadoso…

Bo lo atrae abundancia, gracia y gratitud den bo ambiente di bida.

Pakico? Pasobra amor a bira bo focus… e ‘caminda’ y proceso di bo bida y no e meta…

Amor berdadero no ta algo pasajero…

E ta hinca den cada fibra di bo ser…

E ta bira bo energia fundamental riba cua bo ta orienta bo mes….

Hasi’e bo meta awo pa no laga e energia aki sali di bo ser…

Bo lo desea pa otro loke bo ta desea pa bo mes y vice versa…

Awo bo ta cla pa biba un bida perfectamente integra, cu alegria, conecta cu bida den su totalidad, cu poder pa manifesta cu pas y tur placer di mundo…

Bo ta cla pa cuminsa?

Dr. Viana: Tratamento di menopausa, menopausa y intimidad – Parti 2

tratamento di menopausa, menopausa y intimidad. Dr. Carlos Viana ta splica cu hopi hende muher ta kere cu por cura menopausa dor di usa terapia di e hormona estrogeno(ERT) of otro forma di repone hormona den bo curpa (HRT). Descubrimentonan nobo den medicina a proba cu hormona sintetico por ocasiona mas daño den curpa di hende muher cu bon.

Un contribucion di Dr. Carlos Viana

E parti 1 di e articula aki yama Menopausa, su mito y berdadnan

Hopi hende muher ta kere cu por cura menopausa dor di usa terapia di e hormona estrogeno(ERT) of otro forma di repone hormona den bo curpa (HRT). Descubrimentonan nobo den medicina a proba cu hormona sintetico por ocasiona mas daño den curpa di hende muher cu bon. Tin alternativanan natural hopi mas sigur cu ta hopi mas efectivo ora nan ta wordu usa bou di guia di profesional. Prome cu tur cos, menopausa ta un proceso natural y no ta un malesa, asina ta cu un cura no ta necesario. Na di dos lugar, nivelnan di hormona den curpa di hende muher ta varia masha hopi mes. Tin hende muher cu mester di diferente hormona, pero tambe tin hende muher cu definitivamente no mester di estrogeno!

Continue reading “Dr. Viana: Tratamento di menopausa, menopausa y intimidad – Parti 2”

Dr. Viana: Menopausa, su mito y berdadnan – Parti 1

Dr. Viana riba Menopausa, su mito y berdadnan.
Medicamente, menopausa ta wordu defini como: “ora cu bo no a haña bo menstruacion pa un aña”. Menopausa ta e fin di un proceso largo y poco poco cu jama peri-menopausa, cu ta e cambionan cu ta pasando den curpa di un hende muher. Cambionan completamente normal y parti di su bida mescos cu pubertad. E ovarionan di e hende muher ora e ta na mitad di su añanan 30 ta cuminsa cambia e cantidad di estrogeno y progesterona cu e ta produci.
www.comprondiendobida.com

Contribucion di Dr. Carlos Viana

Medicamente, menopausa ta wordu defini como: “ora cu bo no a haña bo menstruacion pa un aña”. Menopausa ta e fin di un proceso largo y poco poco cu jama peri-menopausa, cu ta e cambionan cu ta pasando den curpa di un hende muher. Cambionan completamente normal y parti di su bida mescos cu pubertad. E ovarionan di e hende muher ora e ta na mitad di su añanan 30 ta cuminsa cambia e cantidad di estrogeno y progesterona cu e ta produci. E dos hormona femenino aki ta mesun importante pa un ciclo menstrual normal y preñez exitoso. Tin hopi falta di informacion riba menopauase y den e articulo aki mi ta splica conceptonan eroneo tocante menopausa.

Den nos clinica, ora mi informa hende muhernan cu nan sintomanan ta pre-menopausico hopi di nan ta bisa cu esaki no por pasobra nan no tin 50 aña ainda!

Continue reading “Dr. Viana: Menopausa, su mito y berdadnan – Parti 1”

Mi amor pa Abo…

Mi amor pa Abo…E lo jena e espacio entre amor y pashon …
Pasobra mi ta realisa cu pashon un dia por disparse …
E amor ta keda existi ….Esey mi tabata sa di dia cu mi a crusa wowo cu bo pa prome biaha….Maske ainda mi no tabata conoce e profundidad di bo alma…

E lo jena e espacio entre amor y pashon …

Pasobra mi ta realisa cu pashon un dia por disparse …

E amor ta keda existi ….

Esey mi tabata sa di dia cu mi a crusa wowo cu bo pa prome biaha….

Maske ainda mi no tabata conoce e profundidad di bo alma…

Mi a sinti un base pa confiansa…

Continue reading “Mi amor pa Abo…”

Alma, Amor y Felicidad.

Alma…Amor y Felicidad…E arte di relacion… Ingrid Werleman www.comprondiendobida.com

Nunca mi a siña un caminda con pa papia riba e cosnan di mi alma. Pensando y buscando mi a scirbi nan pa mi mes. No semper tabata facil pa confia nan riba papel. Bo ta confronta bo mes y bo dolor y preguntanan di bida. Pero mi ta contento cu mi a hasi’e. Mi a cana ta observando bida y hende, habriendo un mundo na refleho riba mi mes. Observando otro, mi ta evaluando mi mes, e otro semper ta mi spiel. ‘Ken ami ta?’, ‘con mi kier ta?, ‘con mi no kier ta?’. ‘Purba pa no ‘husga’. Ami no conoce e mundo cu tin sconde tras di un otro hende. Cada hende ta un mundo cu a hasi’e ken e ta. Su pakete y experencia pa pasa den den e mundo, con pa siña su lesnan di bida.

Di un forma of otro, nos tur ta cana, buscando amor, buscando felicidad. Algo hopi personal, nos propio pensamento kico e ta ensera. Tin hende ta asocia amor cu dolor y no ta pensa cu felicidad total ‘bliss’ por existi. Bo ta corda e dicho ‘amor sin dolor, no ta amor’?

Continue reading “Alma, Amor y Felicidad.”

Sinti bo mes bunita y sexy despues di cancer

Sinti bo mes bunita y sexy despues di cancer. www.comprondiendobida.com

E prome Pink Runway Aruba (oktober 2010) a nifica kibra cu hopi taboe rond di e malesa di cancer. E evento aki a mustra cu ya hopi hende muhe no ta mira cancer como e fin di nan ser femenino y bellesa. Nan a lusi riba pasarela y a capta curason di tur presente. E bon noticia ta cu e apojo masal rond di mundo a juda hopi hende muhe cu cancer haja nan balor propio bek, tambe na Aruba.

Continue reading “Sinti bo mes bunita y sexy despues di cancer”

Sexualidad despues di cancer, algun tip

Sexualidad despues di cancer. Algun tip. www.comprondiendobida.com

Den hopi caso bida sexual di un hende muha ta para ful keto despues cu e haja sa cu e tin cancer. E experencia cu un malesa cu por nifica nos morto ta pone nos biba cu ansha. Na e momentonan aki majoria muhe tin mas tanto na sosten emocional, un caricia y sinti cu e hendenan rond di dje ta stim’e. Hopi bes e no ta pensa ainda con su pareja lo reaciona riba un posible kitamento di su pecho. E ta ocupa cu su proceso interno pa deal cu e malesa. Amputacion ta un proceso drastico y e por ta mes dificil pa e hende muhe, pero tambe pa su pareha. Hopi biaha nos no a sinja pa papia riba nos sentimentonan y esaki ta hasi e comunicacion mas dificil ainda. E punto mas critico ta kisas con pa cuminsa papia riba e tema.

Continue reading “Sexualidad despues di cancer, algun tip”

Querido Hubentud, sera conoci cu Oportunidad

Querido Hubentud, sera conoci cu Oportunidad – Al Figaroa … www.comprondiendobida.com

‘Pushi Cheshire, Alice a puntra. Bo kier bisa mi cua caminda mi mester bay di akinan? E caminda cu bo tin cu tuma ta depende principalmente di unda bo kier jega, e pushi a contest’e. Esey no ta importami nada, Alice a bis’e. E ora no ta importa cua caminda bo tuma, e pushi a bis’e.’ – Charles ‘Lewis Carroll Dodgson, Alice in Wonderland 1865

Querido Hubentud,

Lagami cuminsa na deseabo un bon aña y introduci mi mes como Oportunidad. Mi ta manifestando kinan pa cordabo ken bo ta y loke bo ta capas di ta. No ta keda na mi pa bisabo kiko pa hasi cu bo bida, como cu esey ta den bo mesun man. Mi meta ta pa habri bo wowo y bisabo, siña conoce bo mes bon, explora bo mente y engrandece. Mescos cu Fe ta cuminsa na un simiya di mustard, bo logronan lo cuminsa cu un simpel inspiracion. Reconoce bo talentonan, averigua kiko e ta y exploite, como cu nos tur tin uno scondi.

Bida ta un gran misterio y hopi pregunta lo pasa bay sin contesta. Alguno inutil, alguno di hopi importancia. Esey ta pone cu nada nunca lo ta imposibel, solamente si bo gaña bo mes y no para pe. Busca bo Spirito, esun cu ta papia cubo. Puntre kiko boso deseo ta y asina logre hunto. Semper bay pa e gol, e keeper nunca no ta eynan.

Sinceramente,

Oportunidad

Cambio, Miedo y Majan

Cambio, Miedo y Majan …. www.comprondiendobida.com

‘Cambio’ ta un di e poco cosnan sigur den nos bida, pero parse cu e cos mas dificil den bida ta pa laga los di nos custumbernan bieuw. Si nos analisa nos custumbernan di come por ehempel, come tres of cuater biaha pa dia, esakinan ta custumbernan di come cu ta data for di final di siglo pasa, tempo cu mayoria di hende tabata traha den agricultura of trabaonan industrial, trabaonan duro cu ta exigi esfuersonan fisico pisa. Awendia e situacion a bolter y mas tanto hende ta traha den oficina, ta come mes hopi, riba dje cuminda menos saludabel, tin poco movecion, anto nos ta puntra nos mes, dicon tin asina hopi hende cu sobrepeso ?

Continue reading “Cambio, Miedo y Majan”