Comprondiendo Bida – Page 24 – 'Compronde bo bida y biba mas felis.'

Haja sa mas di Fundacion Autismo Aruba

Resumen di un articulo pa juda bo haja sa mas di Fundacion Autismo Aruba y nan trabou balioso. Podise abo por ta un persona cu por juda nan… www.comprondiendobida.com

Fundacion Autismo Aruba ta brinda servicio di sosten na mayornan cu yiunan cu autismo na Aruba. Alabez ta duna informacion tocante e trastorno aki, pero mas important eta enfoca riba concientisacion di Autismo na Aruba.
Fundacion Autismo Aruba a keda oficialmente funda door di algun mayor cu yiunan cu Autismo na Aruba. E soño di tin un lugar caminda nan mes por reuni y experencia contacto cu otro mayornan, hunto cu nan yiunan pa haya sosten di otro y sinti aceptacion total, a bira realidad. Asina tambe conceptonan di concientisacion tocante Autismo a forma y a establece e fundacion cu te awendia ta den crecemento constante. E crecemento aki a culmina cu un simposio di calidad internacional, asina cumpliendo cu un di metanan principal di e fundacion cual ta brinda informacion pa eleva e profesionalidad y servicionan na personanan cu Autismo na Aruba.

Sigui lesa →

E Mucha Autista, e Mucha Malcomprendi

Dia 2 di April ta dia mundial di concientisacion di autismo… E poesia ‘E Mucha Malcomprendi’ ta duna un refleho di e mundo di e mucha autista… www.comprondiendobida.com

Ami ta e mucha cu ta mustra sano y bon.
Mi a nace cu diez dede na pia y man.
Pero tin algo diferente, algun caminda den mi mente,
Y kiko e ta, niun hende no sa.
Ami ta e mucha cu ta pasa duro na scol,
Juffrouw ta bisa mi por siña masha bon.
Nan ta yama’mi pa ‘floho’ y mi mester por sa,
Pero e cos ta, min’sa unda pa cuminsa.

Sigui lesa →

Ora dolor di hende ta bira sensacion…

Un tata hoben a tira su pareha y mama di su yiu casi mortal. Nos isla parse ta biba di un hi-lite pa otro, pero no ta saca conclusionnan na nivel structural. Kico a bay robes?

Un tata hoben a tira su pareha y mama di su yiu casi mortal. Un tragedia cu ta duna espacio pa cada hende traha su propio version. Cada hende tin su propio splicacion. Poco ta lesa di e cosnan den comunidad cu ta hasi posibel pa hendenan cu un dia a stima otro por jega na e excesonan aki. Kico ta pasa den e cabes y curason di un hende ora e ta comete un acto asina? Poco ta lesa ki nos comunidad por sinja di un otro tragedia mas. Nos isla parse ta biba di un hi-lite pa otro, pero no ta saca conclusionnan na nivel structural. Kico a bay robes?

Na famia di Chaldira forsa, na Chaldira e forsa vital pa biba pa su yiu y como ser humano cu dignidad. Y na su pareha e sabidura pa refleha cu violencia nunca a trese solucion pa un problema.
Y na nos comunidad…laga nos sostene e famia cu nos pensamento y boluntad y unda cu nos por, planta un simia di bondad.

Unda nos kier bay como comunidad???

Sigui lesa →

Tuma bo mes na serio

Tin biaha nos ta siguie, tin biaha nos ta ignor’e, tin ora nos ta contento cu ne y na otro momento, ora cu e “faya”, nos ta culp’e.
….Abo sa kico e ta? Rosabelle Illes ta conta bo riba www.comprondiendobida.com

Un contribucion di Rosabelle Illes

Abo a yega di caba e frase “Si mi tawata sa, lo mi a…”? Bo a yega di compañ’e cu e frase “Anto algo tawata bisa mi, pero…”? E ta mundialmente acepta cu tin aspectonan di bida cu ta fuera di nos control. Sinembargo, recientemente e nocion cu nos tin nos bida den nos man, nos ta responsabel y nos tin e libertad di escogencia y, den esey, e poder di determina kico nos bida lo ta, tambe ta wordo mas y mas acepta. Na cierto momento e sintesis ta revela su mes. E tesis: Tin aspectonan di bida cu ta fuera di nos control. E antitesis: Nos por eherce control pa medio di libertad di escogencia. Cua ta berdad? Of mihor poni, kico e tension lo crea? En realidad e contesta no ta importa. Simplemente pasobra nos sa caba.

Sigui lesa →

Nos cultura di silencio

Den un comunidad chikito, taboe ta bira nos prison y nos bos nos liberacion… un pensamento di Ingrid Werleman riba www.comprondiendobida.com

Dushi asina e biento pasat ta zoya mi y manda mi leu…

Relaja den mi hamaca den cunucu…

Poco poco mi ta sak bay den e mundo di sonjo…

Yen di pura mi mal memorianan ta sali for di mi subconciencia…

Nan ta manifesta nan mes manera mannan cu kier choca mi…

Sigui lesa →

Prestacion ta Tur Cos y e sports drink cu ta saludabel

Haja sa mas pakico ta bon pa bo scoge hopi conciente kico bo ta bebe ora bo ta hasi deporte of ora bo mester di mas energia. No ta tur cos cu ta ser bendi como saludabel ta esaki di berdad… www.comprondiendobida.com

De hecho — ora bo soda, bo ta perde “electrolytes” y nutrientenan importante cu ta vital pa hydratacion y ultimamente ta afecta bo prestacion. Bo sa cu manda abou un sports drink color neon, yena cu pata pata di sucu no por ta saludabel, pero bo no ta tin opcion…….te cu AWO.
Vemma THIRST™ ta hiba hydratacion na un nivel completamente nobo. Bo ta yena bo curpa cu un mescla di electrolytes, carbohydrato y amino acido. Contrario na awa y sports drinks, Vemma THIRST™ ta duna bo un full spectrum di vitaminanan, mineralnan a base vegetal, mangosteen carga cu antioxidante y e aloe den cada porcion. Duna bo curpa locual e tin sed p’e.

Continue reading “Prestacion ta Tur Cos y e sports drink cu ta saludabel”

Arte pa Aruba, traha un bandera cu bo yiu.

Arte pa Aruba, traha un bandera cu bo yiu. Un mucha no mester di hopi cos pa ta creativo… www.comprondiendobida.com

Trahando pa hopi anja cu mucha, mi a pensa hopi cos con celebra nos dia nacional cu e muchanan chiquito.
Esaki ta un projecto simpel cu cada major por hasi na cas cu nan yiunan prome cu sali celebra nos dia di himno y bandera.
Tur loke bo mester ta palo di sate, un pida carton, lijm y crepe papier den e colornan di nos bandera.
Gos’e hunto cu bo yiu y corda bis’e cu e ta un artista chiquito.
Mas despues, mas idea. Si abo tin, nan ta welkom…

Canticanan di Aruba, Nos Isla

Na caminda pa celebracion di 25 anja di Status Aparte…. ban honra Aruba y nos historia y nos cultura….

Na caminda pa celebracion di 25 anja di Status Aparte…. ban honra Aruba y nos historia y nos cultura…. Si abo tin mas cantica di Aruba… mand’e pa nos…. y nos lo comparti’e cu hopi amor cu nos lesadornan…. y corda… canta nan cu bo yiunan… no laga loke ta di Aruba bay perdi…. tempo ta nifica…. hiba e cosnan dushi den futuro…. pa futuro por refleha loke nos antepasadonan a crea y a e simia bon cu nan a planta….

Hubada Gezag

Un contribucion di Bethsarim van Koetsveld-Brinez

Tempo di mi tempo,
Back in my day,
ora mondi tabata reina,
when the bush reigned,
cu splendor mi tabata briya,
I glowed with splendor,
cabrito so tabata morde na mi sumpiña.
only the goat nibbled on my thorns.

Continue reading “Hubada Gezag”

Ami, Muher. Pa Dia Internacional di Hende Muhe…

Dedica na tur nos muhernan balente riba Dia Internacional di Hende Muhe…

Ami, muher…

Dedica na tur nos muhernan balente riba Dia Internacional di Hende Muhe…

Ami, muher…

Comunidad podise nunca lo compronde mi…
Pasobra podise nunca nan a purba di cana den mi sapato.
Poco nan sa di mi oranan di desesperacion, si placa atrobe no ta jega pa cumpra tur loke ta falta den cas…
Hopi ora mi ta mula den un tienda, para henter dia riba mi pia
Of den e restaurant unda mi ta corta berdura pa e turista por come su dinner…

Continue reading “Ami, Muher. Pa Dia Internacional di Hende Muhe…”