Author: Ingrid Werleman

Celebra Pasco na un forma natural cu aroma terapia …Beauty with Style ta juda bo…

Celebra Pasco na un forma natural cu aroma terapia …Beauty with Style ta juda bo… on www.comprondiendobida.com

Pasco ta un periodo pa relaha dushi cu famia y amiganan na cas… e holo di e cuminda, pero tambe e holo den cas ta contribui na crea un dushi ambiente. Dianan di fiesta ta relajante, pa kita stress di trabou y preocupacion… Beauty with Style ta juda bo pa logra esaki cu su cursonan di aroma terapia. Un workshop nobo ta ‘Aroma pa Regalo’. Den e workshop aki ta sinja e cursista pa traha su mes regalonan a base di aroma terapia pa e temporada di Pasco y pa cualkier otro ocashon. Den e curso Aroma terapia basico ta sinja conoce 10 aroma y nan caracteristica. Dus, con pa usa nan y kico mester tene cuenta cun’e ora traha cu aroma terapia. Tambe bo ta sinja pa traha productonan di cuido personal pa usa na cas. Esaki ta juda pa hisa e calidad di bida di un famia na un forma natural. Beauty with Style ta un instituto specialisa den entrenamento di estecista y masajista. Nan ta traha den cooperacion cu K.O.C. di Hulanda cu ta supervisa tur nan estudionan.

Ta conoci cu mas y mas hendenan ta busca formanan natural pa biba, ya cu esaki ta mas saludabel y mas economico. Tambe ta corda tambe  cu e seccion di training y wholesale di Beauty with Style a muda pa Italiestraat 24 A, net patras di Superfood.

Con mi ta bira felis cu psicologia positivo

Con mi ta bira felis, algun tip di psicologia positivo. Sinja e forsa di optimismo on www.comprondiendobida.com

‘No keda pega den bo dolornan,’ esaki parse di ta e mensaje pa biba mas felis. Esaki bo por logra cu psicologia positivo. E fundador di psicologia positivo ta Martin Seligman, un psicologo renombra di New York y tabata entre otro president di American Psychology Association. Den su opinion lo beneficia e cliente si focus riba e  parti fuerte y e birtudnan di e persona y no solamente riba su malesa y debilidadnan. Su concepto a motiva hopi Universidad pa studia  kico realmente ta juda hende pa sinti nan mes satisfecho, motiva y felis di berdad.

Esaki a involvi topiconan manera felicidad, optimismo, caracter y emocionnan positivo.  Optimismo a resulta di por hunga un rol hopi importante contra depresion. Su meta cu e concepto aki ta pa integra practica y ciencia den otro. Un di su bukinan mas conoci ta ‘Learned Optimism’.

Contrario na psicologia tradicional cu ta focus riba tratamentonan cu tin como meta pa drecha e danjo causa dor di trauma, depresion of burn out.

Continue reading “Con mi ta bira felis cu psicologia positivo”

Cuanto mi ta bal?

Cuanto mi ta bal? Ingrid Werleman ta juda nos pa haja nos contesta.

Mi ta corda cu na un momento di un crisis profundo den mi bida, un amigo a bisa mi algo cu semper a keda graba den mi mente.

Esta: ‘Corda cu tur loke un otro hende hasi bo, ta abo mes ta permiti pa sosode’. Pasobra como un ser humano bo tin e libertad pa escoge con pa reaciona riba cualkier asunto. Si un hende bisa bo un palabra pisa bo por escoge pa rabia of pa keda den bo propio balor sin sinti ningun ofensa. Y aki a cuminsa un proceso largo pa los mi mes di situacionnan indesea den mi bida. Ora mi a bisa e dicho persona esaki despues di hopi aña, e no tabata ni corda mes, cu el’a bisa mi tal cos. Pero den mi bida, na e momento ey, su palabranan a inicia un proceso di conciencia cu ta dura te awe. Awor mi por puntra mi mes: ‘Ta e mes a bis’e? Of ta un angelito a murmura den su orea? Ki diferencia esey lo hasi? Importante ta cu el’a yuda mi y pa esey mi ta agradecido.

Continue reading “Cuanto mi ta bal?”

E ta pa mihor. Rosabelle Illes

E ta pa mihor… Rosabelle Illes ta comparti su sabiduria y su poesia ‘Bo reflexion den un otro dimension’ riba www.comprondiendobida.com

Abo sa bisa “awor cu mi ta wak bek, mi ta agradecido pa locual a sosode?” Abo sa sinti cu na e momento bo no por ni imagina un motibo, mucho menos reconoce e bon di e situacion? Durante un experencia y teniendo cuenta cu e circunstancia, sin lubida e velocidad di un pensamento pa otro, abo tambe sa permiti pa bida dicidi con bo ta sinti? Dicon nos no por ta agradecido pa locual a sosode na e momento cu e sosode? E ta simpel: nos no ta compronde.

Ideal ta ora un persona articula e motibo di un problema, e acompaña su analisis cu posibel solucionnan. Pero desafortunadamente, mi tampoco no ta compronde. Mi mama sa bisa “Ora cu mi a compronde cu mi no por compronde, mi a compronde” –Betty Werleman. Y esaki ta forma exactamente e estado cu nos mester inhabita pa por ta constantemente agradecido.

Continue reading “E ta pa mihor. Rosabelle Illes”

Un danki special di Comprondiendo Bida

Un danki special di Comprondiendo Bida… na tur hende cu ta apoya e projecto… www.comprondiendobida.com

Un danki special … Riba ‘dia di bisa danki’… un danki special na tur hende cu a acepta y apoya ‘Comprondiendo Bida’… no di awo, pero di 1995 cu nos a cuminsa cu e projecto.

Comprondiendo Bida a nace como un deseo pa comparti informacion di bida y alma cu e pueblo di Aruba. Mientras tanto bida a cambia y e exigencianan tambe. Pa e motibo aki ta amplia Comprondiendo Bida cu topiconan di interes practico di bida.

Continue reading “Un danki special di Comprondiendo Bida”

Awe ta dia di bisa danki y honra Bida

Awe ta dia di bisa danki…honra bida…honra bo sonjonan… on www.comprondiendobida.com

Awe ta dia di ‘bisa danki’…
E ta un custumber Mericano…  e ta un bunita pensamento… y mi kier adapta bunita pensamentonan… awe ta dia di bisa danki y nos cada un por sinta y pensa un rato na ken nos kier ‘bisa danki’… por ta na un hende cu tin un nificacion hopi special den bo bida… bo casa, bo pareha, bo yiunan, nietonan, bo mayornan, bo famia y amigonan…

Pero por ta tambe… bisa danki na e hende cu tur dia ta hasi bo cas of oficina limpi… na e dokter cu ta cuida bo salud… esun cu ta jena gasoline pa bo auto… esun cu tur dia ta bisa bo ‘bondia’, maske e no conoce bo…  esun cu a tuma tempo pa scucha bo, ora bo tin mester…

Bisa danki na bida, bisa danki na Dios pa su bunita creacion… na e lama cu ta kita tur bo cansancio y e awa cu bo ta bebe y ta purifica bo…

Continue reading “Awe ta dia di bisa danki y honra Bida”

Usa afirmacionnan pa laga placa flow den bo bida

E rol di afirmacionnan pa crea…placa … kico abo ta haja cu bo ta merece den bo bida? www.comprondiendobida.com


E rol di afirmacionnan pa crea abundancia… felicidad y placa

Nos a sinja cu placa ta corumpi, tanten cu placa ta djis un pida papel cu nos ta usa pa entrecambio di servicionan. E placa no ta culpabel pa loke hende ta hasi cun’e. Antes nan tabata cambia producto of servicio. Corda riba e custumber bieuw di paga lomba. Asina hopi famia Rubiano a jega na nan cas. Nan tabata juda otro na turno pa construi un cas pa nan famia. Un bunita custumber cu ainda tey den cierto famianan…

Afirmacionnan ta pensamento y ponencianan positivo cu ta yuda bo focus bo sub conciencia riba bo poder y abilidadnan pa obtene loke bo ta desea di e profundo di bo curason.

Scoge un pensamento basico pa bo mes. Por ehempel: ‘Mi ta un persona balioso, mi bida ta importante… ami ta scoge pa ta felis.

Continue reading “Usa afirmacionnan pa laga placa flow den bo bida”

Crea Abundancia y laga felicidad y placa flow den bo bida…

Crea Abundancia y laga felicidad y placa flow den bo bida…www.comproniendobida.com

Kico ta Abundancia?
Segun Encarta Dictionary ‘Abundancia’ ta: ora cu tin mas cu suficiente di algo disponibel.

Ora nos aplica e leynan spiritual di Abundancia, nos por crea placa, pero tambe salud, felicidad of cualkier otro cos cu ta pone nos sinti nos mes mas completo. Na Aruba tin un grupo grandi cu tin un entrada rond di 1500 Afl pa luna, pues tin hopi espacio pa crea abundancia pa hopi hende.

Ta existi leynan spiritual di Abundancia cu ta hermentnan pa hasi bo soñonan realidad. Pa logra esaki ta importante pa nos siña tende nos bos interno y haya confiansa cu nos por crea loke nos ta desea, tanten cu e ta den harmonia cu e leynan spiritual. Nos tur tin e poder pa crea, pero sea conciente cu bo por crea tanto den un forma positivo, como un forma negativo. Bo ta crea atraves di bo pensamentonan y esaki por ta tanto positivo como negativo, dependiendo di e estado di conciencia cu bo ta bibando aden.

Continue reading “Crea Abundancia y laga felicidad y placa flow den bo bida…”

Influencia di taboe riba comunidad – Drs. Piternella

what is the influence of taboe in our life? Can they be broken? www.comprondiendobida.com

Drs. W.R. Piternella…E influencia di ‘taboe’ riba nos bida.

Den bida diario masha poco nos ta para keto riba ‘taboenan’ cu ta rondona nos biba y cu tin su influencia riba esaki.  Si bo paga tino  bo ta ripara cu tin ‘taboenan’ cu ta hunga un papel den henter e comunidad, pero tambe  y tambe tin ‘taboenan’ cu gruponan, manera un famia of personal di un empresa,  y  individuonan ta crea pa nan mes.

Ki  ora nos ta papia di ‘taboe’?

‘Algo’ ta wordo considera como taboe ora  ta prohibi pa papia di dje, uz’e of haci algo cun’e.  Bo por puntra bo mes si tin motibo pa esaki.  E prohibicion aki no necesariamente ta nota un of otro caminda. Hopi biaha e ta mara na custumbernan cu ta pasa di generacion pa generacion. Tin motibonan pa esaki. E motibonan aki ta relaciona na miedo pa wordo confundi, of miedo cu esaki ta lanta sentimientonan of anhelo  cu no por wordo controla y cu por causa danjo  na e orden cu ta existi den comunidad.

Continue reading “Influencia di taboe riba comunidad – Drs. Piternella”

Biba saludabel? Hasi ehercicio hunto cu famia…

Want a healthy lifestyle? things to do with your family… www.comprondiendobida.com

Pa bo biba saludabel bo mester come saludabel, pero tambe bo mester hasi movecion y ehercicio. Esey ta un algo importante pa bo salud. Tin ehercicionan cu ta bon pa hasi paso e ta yuda bo salud. Un ehercicio cu ta bon pa bo hasi ta bula cabuya. Un otro ehercicio cu bo por hasi ta cana tur atardi 45 min, 4 biaha pa siman lo ta hopi bon. Si bo ta un hende cu no gusta cana of bula cabuya,bo por bai lama tambe. Lama ta hopi bon  paso e ta juda bo circulacion di sanger y e ta drecha e capacidad di bo curason y bo pulmon. Un otro cos bon di bai lama ta e ta kima bo calorianan.

Awendia tin hopi actividad cu bo por hasi hunto cu bo yiunan. Bo por bay les di zumba cu ta gratis y wak si e ta algo cu bo gusta y despues tuma un serie di les hunto cu bo famia. Tin tambe scolnan di baile cu ta duna lesnan gratis.

Continue reading “Biba saludabel? Hasi ehercicio hunto cu famia…”