Articulo – Page 9 – Comprondiendo Bida

E workshop ‘Wellness y stima bo curpa’ stress y relajacion tabata inspirativo

Cada biaha mas hende ta discubri e balor di duna nan mes balor. Cada biaha mas hende ta realisa cu nan curpa ta un instrumento hopi importante pa por logra nan meta y sonjonan di bida. E ultimo workshop a concentra riba e tema stress y relajacion. E tabata un evento cu tabatin un combinacion di informacion teoretico, cu hopi ehercicio practico, tin ora combina cu momentonan sereno, otro biaha agradable y te hasta humoristico tin ora. E prome y di dos siman di november ta ripiti e workshopnan. Pa mas informacion wak nos pagina riba Facebook

Un meta importante di e workshopnan di wellness ta pa duna e participantenan instrumentonan basico, practico y efectivo pa por crea un balansa sano entre cas, trabou y sociedad den nan bida. Esaki pasobra si bo ta sinti bo mes bon y felis cu bo mes, bo por tin tur atencion pa tur loke ta rondona bo y cumpli cu loke abo a propone.

Cada biaha mas hende ta discubri e balor di duna nan mes balor. Cada biaha mas hende ta realisa cu nan curpa ta un instrumento hopi importante pa por logra nan meta y sonjonan di bida. Hopi biaha nos ta pensa cu trabou y cosnan material ta e metanan principal den bida y ta lubida cu esaki ta nos propio crecemento personal y spiritual.

Continue reading “E workshop ‘Wellness y stima bo curpa’ stress y relajacion tabata inspirativo”

La Reina ta bin Aruba

La Reina ta bin Aruba… imagina bo mes cu nos por coy e espiritu cu e evento aki a inspira y hasi’e nos estilo di bida. Imagina bo mes un Aruba unda tur edificio ta netchi geverf y tur pleenchi ta limpi. Unda nos ta biba yen di entusiasmo y tur dia ta hasi tur esfuerso pa mustra nos isla di e miho forma posibel.

E strip riba boulevard ta bunita y limpi. Tur edificio ta netch geverf. Tin hopi hasimento limpi riba e pleenchi di Linear Park. Yen di entusiasmo. Pronto La Reina ta bin Aruba. Nos ta hasi tur esfuerso pa mustra nos isla di e miho forma posibel. Tur hende ta hasi nan best pa copera cu otro. Tur hende ta jen di entusiasmo. E gruponan di baile ta show orguyoso cu nan traje folclorico. Esta dushi Aruba por ta.

E verkennernan cu nan amor pa Aruba y nan disciplina di grupo ta ehemplar. Ta hopi bunita ora hende ta duna di nan tempo liber pa juda nos muchanan construi un bon futuro. Ta parse cu e bishita di La Reina ta inspira hopi hende. E evento ta priminti di bira uno bon organisa. Cu amor patria grandi. Den respet pa otro y sublime coperacion bou otro.

Bastante hende cu ta papia Papiamento pa e ocashon aki. Dushi pa tende bo propio idioma asina hopi. Parse e dushi Aruba di antes. Un Aruba uni, unda hende ta biba cu otro den pas y harmonia y respet.
Sin importa unda bo a nace.
Continue reading “La Reina ta bin Aruba”

Un otro workshop di wellness ‘Wellness y stima bo curpa’ cu tecnicanan pa kita stress y relaja.

E diasabra aki lo tin un workshop nobo cu ta ‘Wellness y Stima Bo Mes!’ cu tecnicanan pa kita stress y relaja. Importante ta cu e participante ta hasi diferente tecnica dor di cua e por scoge pa su bienestar, su wellness y laga bay e stress. Ta bon pa sa con nos ta cumula stress y tambe pa sa con pa juda e curpa laga dolornan y stress bieuw los.

Weekend pasa a tuma lugar na Fofoti Beach e di tres exitoso workshop ‘Wellness cu Puro Naturalesa’di camacuri wellness y comprondiendobida.com. Ingrid Werleman y Francis Bulters ta expresa: ‘E ta un satisfaccion hopi grandi di a start cu e workshopnan aki, despues di hopi anja cu a pensa riba nan. Con pa transmiti pa otro hende loke a juda nos den nos crecemento personal. Un trajecto cu a tuma basta anja y esfuerso, pero cu ta hiba bo cada biaha mas cerca di bo mes, contemplando e mundo di pafo, mescos cu e mundo di paden’.

E diasabra aki lo tin un workshop nobo cu ta ‘Wellness y Stima Bo Mes!’ cu tecnicanan pa kita stress y relaja. Lo sinja tecnicanan con pa reconoce stress, usando mindfulness of atencion dirigi. Lo traha cu nos rosea cu ta nos fuente di bida.
Continue reading “Un otro workshop di wellness ‘Wellness y stima bo curpa’ cu tecnicanan pa kita stress y relaja.”

Bo ta wardando riba permiso?

Dedica na tur e yiunan di Aruba…
Pakico nos ta warda te ora un otro hasi loke nos kier a hasi hopi tempo pasa, pa SA cu e ta OK? Cu e ta traha? Ken su permiso mi tin mester?
Kere mi, sinja di mi… Si bo ta kere cu algo ta zona bon, hasi’e si bo ta kere aden. Podise e no ta funciona, pero sikiera bo a purba.

Dedica na tur e yiunan di Aruba…

Pa hopi anja, hopi di nos ta wardando riba permiso. Ami tambe….
Mi a warda riba confirmacion y ok di tal hende of tal instancia pa bisa mi si mi idea ta ok pa mi por sigi. Mi a warda hopi anja en vano, sin cu e permiso a jega.
Y na cierto momento den mi bida, circumstancianan a pone mi realisa esaki asina cla.
Mi a warda asina hopi anja riba permiso, pero di ken eigenlijk?
Y di berdad, ken por conoce mi idea, sonjo of ilushonnan miho cu mi mes, cu nan por bisa mi cu mi ta suficiente sabi of bale la pena pa mi bay p’e?
Den realidad di bida, tanten mi no ta hasi danjo na otro hende y na creacion, mi ta liber pa hasi loke mi ta desea… mi a cuminsa realisa poco poco. Mi ta OK…
Continue reading “Bo ta wardando riba permiso?”

Post Traumatic Stress Disorder – PTSD y EMDR

Mitsy Willems ta bisa: “Na Aruba, tin un gran cantidad di persona, pa no bisa e mayoria, cu a yega di experencia un situacion traumatico den nan bida, cu no a haya e tratamento adecua pa supera e trauma y angustia cu nan ta enfrenta diariamente. Sin e tratamento adecuado, e posibilidad pa cay den un depresion, stress, ansiedad of fobia severo ta multiplica.
Haja sa mas di EMDR, un metodo cu ta duna bo un ABO nobo…

PTSD ta un desorden psiquiatrico cu por ocuri despues di un experencia traumatico den nos bida y cu normalmente ta involvi morto of intento di hasi nos daño of lesiona nos integridad fisico of di otro persona, segun American Psychiatric Association.

EMDR tambe ta trata Depresion post-parto, ansiedad, fobia, panico, stress severo, violacion y abuso sexual, disfuncion sexual, auto estima abou, adiccion y dependencia di quimica den tur etapa, problema psico-somatico, dolornan cronico, abuso domestico y di menor, testigo di morto violento y crimen, cirugia, victima di kima, maltrato fisico y verbal, victima di desaster natural y desaster nan causa pa hende y depresion pa e perdida di un ser keri, ta solamente algun aspecto y casonan relaciona na Aruba cu PTSD.

“Na Aruba, tin un gran cantidad di persona, pa no bisa e mayoria, cu a yega di experencia un situacion traumatico den nan bida, cu no a haya e tratamento adecua pa supera e trauma y angustia cu nan ta enfrenta diariamente. Sin e tratamento adecuado, e posibilidad pa cay den un depresion, stress, ansiedad of fobia severo ta multiplica.
Continue reading “Post Traumatic Stress Disorder – PTSD y EMDR”

Un biaha mas Workshop ‘Wellness cu Puro Naturalesa’diasabra oktober 15

Algun comentario di Facebook: Lilian Leest: ‘It was fantastic, Ingrid..thanks again!!will keep pending for the next!!’ Lydia Paesch a bisa ‘Mi ta recomenda tur cu por tin e oportunidad pa bai e workshop aki e ta algo den un palabra “Fantastico”‘. Diasabra, 15 oktober ta ripiti e workshop ‘Wellness cu Puro Naturalesa’. Costo: 25 florin. Participa y anjadi anja y felicidad na bo bida!

Tabatin asina hopi bunita comentario riba e workshop cu e organisadornan Ingrid Werleman y Francis Bulters a dicidi di organisa un workshop mas. Di e forma aki mas tanto hende por probecha di su efecto pa asina haja un dushi experencia con fantastico bida por ta. Tin ora ta juist mei mei di tur turbulencia y drukte, ta bon pa nos traha tempo pa nos mes. Asina tabatin varios participante cu a bisa cu nan tabata hopi druk cu otro cos, pero a traha tempo toch pa bin y a keda hopi contento cu e decishon aki. Algun comentario di Facebook: Lilian Leest: ‘It was fantastic, Ingrid..thanks again!!will keep pending for the next!!’ Lydia Paesch a bisa ‘Mi ta recomenda tur cu por tin e oportunidad pa bai e workshop aki e ta algo den un palabra “Fantastico”‘. Johan Koop a bisa: ‘Het lijkt wel vakantie, zo relaxed’. Faritah Luidens a.k.a. Tica Bashabou a manda un sms cu despues di 3 dia ainda su cutis tabata suavecito di e crema pa masseer traha den cushina di Francis y Ingrid. Un crema puramente natural cu por usa pa curpa y cabey.
Continue reading “Un biaha mas Workshop ‘Wellness cu Puro Naturalesa’diasabra oktober 15”

Tur mucha di Aruba ta invita diasabra na Van Dorp Dakota

Un bunita actividad pa sera vakantie y cuminsa scol jen di etiket…Diasabra, 8 di Oktober ta bai tin bautismo y presentacion di “Kaylee, reina di carnaval”, tur den un ambiente carnavalesco. E autora Denise de Jongh-Rekwest pa medio di esaki ta invita tur mucha pa bin celebra cu nos e lanzamento di e precioso buki aki.

Kaylee,reina di carnaval ta un buki di etiketa pa mucha.

Diasabra, 8 di Oktober ta bai tin bautismo y presentacion di “Kaylee, reina di carnaval”, tur den un ambiente carnavalesco. E autora Denise de Jongh-Rekwest pa medio di esaki ta invita tur mucha pa bin celebra cu nos e lanzamento di e precioso buki aki.

Kaylee,reina di carnaval ta un buki di etiketa pa mucha.
Abo sa kico ta etiketa?
Etiketa ta entre otro bon manera, con bo ta anda cu otro y con bo ta comporta bo nechi cu otro hende.
Continue reading “Tur mucha di Aruba ta invita diasabra na Van Dorp Dakota”

Francisco… Un storia Arubano…

Awe ta cuatro di oktober, un dia special pa hopi y pa varios un dia sin balor. Den historia y pa loke lo sigi despues, uno nunca lo no realisa nunca si uno no a wake mas a leu. Si, cuatro di oktober, dia di bestia of manera ami gusta bise, dia di tur criaturanan. Inspiracionan semper tabata existi pero manera semper, hopi biaha ta bay perdi. Na Aruba ta conta cu …

Tur mainta Goy Cora ta sali dunanan cuminda y papia cu nan.
Un storia di Al Figaroa cu lo toca bo curson. Les’e!

Un contribucion di Al Figaroa…

Querido lesado,

Ultimo tempo bo ta tende y mira den diferente medio di comunicacion, boluntarionan cu ta dedica nan mes y nan tempo precioso pa yuda y salba diferente bestianan den necesidad y dificultad. Sea ta uno maritimo o terestial, nan ayudo ta tur caminda debi na e amor cu nan tin pa nan. Nan causa no por wordo yama digno pero mas bien derecho. Acaso nos no ta biba den un mundo caminda criaturanan tin mes tanto derecho cu un ser humano?

Ta oktober, luna di flor, nos ta canta hunto cu gracia, ta luna di amor. Bo por mira tur e Santonan ta briya cu Splendor. Pero awe ta otro, awe ta cuatro di oktober, un dia special pa hopi y pa varios un dia sin balor. Den historia y pa loke lo sigi despues, uno nunca lo no realisa nunca si uno no a wake mas a leu. Si, cuatro di oktober, dia di bestia of manera ami gusta bise, dia di tur criaturanan. Inspiracionan semper tabata existi pero manera semper, hopi biaha ta bay perdi. Na Aruba ta conta cu …

Tur mainta Goy Cora ta sali dunanan cuminda y papia cu nan.
Continue reading “Francisco… Un storia Arubano…”

‘Pa Semper’… Buki di Sherwin Jacobs ta sinja nos di e buskeda na felicidad.

E buki ‘Pa Semper’ di Sherwin Jacobs ta trata e buskeda di amor den pareja. Pero e buskeda aki ta hiba e diferente figuranan den e buki na un caminda basta largo y turbulento pa finalmente realisa cu felicidad no ta asina dificil. Y si bo scoge pa e cosnan cu tin balor real den bida, felicidad por ta tambe hopi cerca di cas of den cas mes. E buki ta jen di sabiduria di nos grandinan. Por cumpra e buki na Van Dorp y De Wit Stores

Nos tur ta busca felicidad y pa cada hende felicidad tin un otro contenido. Felicidad por ta den amor pa pareja, pero e por ta tambe amor pa profesion, pa e nietonan of pa Dios. Of felicidad por ta tambe un combinacion di diferente cos. E buki ‘Pa Semper’ ta trata e buskeda di amor den pareja. Pero e buskeda aki ta hiba e diferente figuranan den e buki na un caminda basta largo y turbulento pa finalmente realisa cu felicidad no ta asina dificil. Y si bo scoge pa e cosnan cu tin balor real den bida, felicidad por ta tambe hopi cerca di cas of den cas mes. E buki ta jen di sabiduria di nos grandinan. Diferente generacionnan ta topa otro den ‘Pa Semper’ y hunto nan ta explora e sentido di bida den cada periodo di bida. Tin hopi intriga tambe den e buki pa asina por jega na un forma of otro na e informacion cu e dos rivalnan femenina ta desea di haja. Intriga cu ta jega te hasta na un aventura entre e dos damanan.
Continue reading “‘Pa Semper’… Buki di Sherwin Jacobs ta sinja nos di e buskeda na felicidad.”

Nos famia ta e cuna pa sinja etica…

Kico muchanan ta sinti falta di dje den nan educacion y bida na cas, na scol, den nan iglesia of den nan bario? Amor, disciplina, norma, balor, instruccion, etica?
Nos famia ta e cuna pa sinja etica, segun un presentador na radio…
Si, berdad, e tin rason, etica, amor, disciplina… formacion…informacion…

‘Un ser inteligente ta e principio di tur cos’ – Jean Jacques Rousseau

Mi tabata scuchando un programa riba famia y etica. Hopi interesante pa scucha cu como nacion nos tin cu tuma ensenjansanan riba etica y moral na serio. E presentador ta puntra: ‘E problemanan social y personal por tin di hasi cu ja nos no ta paga asina hopi atencion mas na balornan manera respet, integridad, responsabilidad? Kico ta bon y kico ta malo? Nos ta duna contenido na e palabranan aki ora nos ta splica nos yiunan na palabra chikito kico nan ta nifica. Tambe ta bon pa duna nan ehempel di bida diario, p.e. pa no mishi cu cosnan cu no ta di bo, maske con chiquito e por ta manera un pen di propaganda (no horta). Ta importante pa sinja nos yiunan kico ta nos bon custumbernan, p.e. cuminda hende ora bo topa nan riba caminda (bisa ‘bon dia, senjora’ of ‘meneer’).’
Continue reading “Nos famia ta e cuna pa sinja etica…”