Wellness & Lifestyle – Page 12

Ken ta responsabel pa e bon futuro di nos muchanan?

ken ta responsabel pa e bon futuro di nos muchanan? Ingrid Werleman y Angelo Angela riba www.comprondiendobida.com

Dos generacion den combersacion…

Ingrid: Ken ta responsabel pa e bon futuro di nos muchanan, Angelo?

Angelo: Mayornan mester wordo poni bek como e principal responsabel di e educacion di nan yiunan. Esei ta mi humilde opinion, con esei mester pasa mi no sa. Loke ami sa ta cu abo mester pone bo granito di arena, y bo no mester ta trahado social, educador, of traha den husticia pa esei, djis un acto di bondad na e mucha of e hoben: un compliment, un empowerment, purba di kita su atencion for di caya, sosten’e si bo ripara cu e no ta haya sosten di su mayornan.

Continue reading “Ken ta responsabel pa e bon futuro di nos muchanan?”

Silencio cu ta mata. Ingrid Werleman

Silencio cu ta mata, scirbi pa Ingrid Werleman…www.comprondiendobida.com

Nos ta biba den un mundo yen di desorden y toch hopi biaha ta asina dushi pa nos busca e silencio… e silencio ta trankilisa y ta crea energia nobo. Di otro banda den nos mundo di desorden, silencio por ta tambe un enemigo grandi. Silencio ta libera mes tanto cu e por hinca nos den su prison. Silencio ta bira un prison ora nos no por papia riba cosnan cu ta molestia nos of ta hasi nos dolor. Silencio ta ruman di secreto y yiu di taboe. Silencio ta stroba palabranan di sali, paso e ta hasi oreanan di un otro dolor. E ta un di e cosnan cu mas ta danja relacionnan, den ki forma cu ta. ‘Mi no kier tende,’ ‘no ta berdad’, ‘bo ta ganja ‘, ‘mi no kier sa’, ‘awo ki no’ y asina ta sigi hui pa berdadnan cu no ta nace nunca paso nos no ta tribi di cana den e sapato di e otro y purba sinti su dolor.

Continue reading “Silencio cu ta mata. Ingrid Werleman”

Biba of laga di biba. Aldrick Figaroa

Biba of laga di biba. Scirbi pa Aldrick Figaroa www.comprondiendobida.com

Bo ta biba of laga di biba? Asina hopi ta laga sa y asina tin hopi ta gusta menciona. Pero kiko en realidad ta e berdad su tras. Bo ta rechasa bida pa acepta morto, o vice versa, rechasa morto pa biba. Hopi di nos grandinan ta bisa; “Ay Dios, ta mihor bo yude of tume”. Y esaki naturalmente ta un insulto, paso e equis persona ki no ta bay ni dilanti, ni patras. Of tambe e por ta pasando den un situacion penoso, cual e no por saca su curpa for di dje.

Biba of laga di biba? Biba pa awe, biba pa mayan? Asina cada ken ta scohe nan mesun credo, pa adapta nan bida diario na dje. Filosofonan y sabionan lo bisa cu algun ta biba liher pa muri jong, otro lo bisa, Mens sana en corpore sano, pa expresa nan ideologia y nan logronan. Pero asina mes, cada ken ta carga nan cruz, asina mes cu nan ta pagano, paso nan sa cu sin esfuerso, no tin mayan. Castigo corporal, mente inhunda cu informacion, curpa no tin sosiego, pero asina mes, no tin paracion. Mi tin di biba y sigi biba y biba bay. Mi tin di come, bebe y drumi bay. Manera awe, sigur lo tin un mayan. Mi hogar ta mi forsa y mi cuminda ta sagrado.

Mi oracion di anochi, ta mi vos, mi mirada y mi guia. Mi man extendi ta pa yuda otro, asisti na sacrificionan y duna tur loke mi por pa yuda mi prohimonan. Egoismo sigur lo ta mi caida.

Continue reading “Biba of laga di biba. Aldrick Figaroa”

Celebra Pasco na un forma natural cu aroma terapia …Beauty with Style ta juda bo…

Celebra Pasco na un forma natural cu aroma terapia …Beauty with Style ta juda bo… on www.comprondiendobida.com

Pasco ta un periodo pa relaha dushi cu famia y amiganan na cas… e holo di e cuminda, pero tambe e holo den cas ta contribui na crea un dushi ambiente. Dianan di fiesta ta relajante, pa kita stress di trabou y preocupacion… Beauty with Style ta juda bo pa logra esaki cu su cursonan di aroma terapia. Un workshop nobo ta ‘Aroma pa Regalo’. Den e workshop aki ta sinja e cursista pa traha su mes regalonan a base di aroma terapia pa e temporada di Pasco y pa cualkier otro ocashon. Den e curso Aroma terapia basico ta sinja conoce 10 aroma y nan caracteristica. Dus, con pa usa nan y kico mester tene cuenta cun’e ora traha cu aroma terapia. Tambe bo ta sinja pa traha productonan di cuido personal pa usa na cas. Esaki ta juda pa hisa e calidad di bida di un famia na un forma natural. Beauty with Style ta un instituto specialisa den entrenamento di estecista y masajista. Nan ta traha den cooperacion cu K.O.C. di Hulanda cu ta supervisa tur nan estudionan.

Ta conoci cu mas y mas hendenan ta busca formanan natural pa biba, ya cu esaki ta mas saludabel y mas economico. Tambe ta corda tambe cu e seccion di training y wholesale di Beauty with Style a muda pa Italiestraat 24 A, net patras di Superfood.

Con mi ta bira felis cu psicologia positivo

Con mi ta bira felis, algun tip di psicologia positivo. Sinja e forsa di optimismo on www.comprondiendobida.com

‘No keda pega den bo dolornan,’ esaki parse di ta e mensaje pa biba mas felis. Esaki bo por logra cu psicologia positivo. E fundador di psicologia positivo ta Martin Seligman, un psicologo renombra di New York y tabata entre otro president di American Psychology Association. Den su opinion lo beneficia e cliente si focus riba e parti fuerte y e birtudnan di e persona y no solamente riba su malesa y debilidadnan. Su concepto a motiva hopi Universidad pa studia kico realmente ta juda hende pa sinti nan mes satisfecho, motiva y felis di berdad.

Esaki a involvi topiconan manera felicidad, optimismo, caracter y emocionnan positivo. Optimismo a resulta di por hunga un rol hopi importante contra depresion. Su meta cu e concepto aki ta pa integra practica y ciencia den otro. Un di su bukinan mas conoci ta ‘Learned Optimism’.

Contrario na psicologia tradicional cu ta focus riba tratamentonan cu tin como meta pa drecha e danjo causa dor di trauma, depresion of burn out.

Continue reading “Con mi ta bira felis cu psicologia positivo”

Cuanto mi ta bal?

Cuanto mi ta bal? Ingrid Werleman ta juda nos pa haja nos contesta.

Mi ta corda cu na un momento di un crisis profundo den mi bida, un amigo a bisa mi algo cu semper a keda graba den mi mente.

Esta: ‘Corda cu tur loke un otro hende hasi bo, ta abo mes ta permiti pa sosode’. Pasobra como un ser humano bo tin e libertad pa escoge con pa reaciona riba cualkier asunto. Si un hende bisa bo un palabra pisa bo por escoge pa rabia of pa keda den bo propio balor sin sinti ningun ofensa. Y aki a cuminsa un proceso largo pa los mi mes di situacionnan indesea den mi bida. Ora mi a bisa e dicho persona esaki despues di hopi aña, e no tabata ni corda mes, cu el’a bisa mi tal cos. Pero den mi bida, na e momento ey, su palabranan a inicia un proceso di conciencia cu ta dura te awe. Awor mi por puntra mi mes: ‘Ta e mes a bis’e? Of ta un angelito a murmura den su orea? Ki diferencia esey lo hasi? Importante ta cu el’a yuda mi y pa esey mi ta agradecido.

Continue reading “Cuanto mi ta bal?”

Awe ta dia di bisa danki y honra Bida

Awe ta dia di bisa danki…honra bida…honra bo sonjonan… on www.comprondiendobida.com

Awe ta dia di ‘bisa danki’…
E ta un custumber Mericano… e ta un bunita pensamento… y mi kier adapta bunita pensamentonan… awe ta dia di bisa danki y nos cada un por sinta y pensa un rato na ken nos kier ‘bisa danki’… por ta na un hende cu tin un nificacion hopi special den bo bida… bo casa, bo pareha, bo yiunan, nietonan, bo mayornan, bo famia y amigonan…

Pero por ta tambe… bisa danki na e hende cu tur dia ta hasi bo cas of oficina limpi… na e dokter cu ta cuida bo salud… esun cu ta jena gasoline pa bo auto… esun cu tur dia ta bisa bo ‘bondia’, maske e no conoce bo… esun cu a tuma tempo pa scucha bo, ora bo tin mester…

Bisa danki na bida, bisa danki na Dios pa su bunita creacion… na e lama cu ta kita tur bo cansancio y e awa cu bo ta bebe y ta purifica bo…

Continue reading “Awe ta dia di bisa danki y honra Bida”

Usa afirmacionnan pa laga placa flow den bo bida

E rol di afirmacionnan pa crea…placa … kico abo ta haja cu bo ta merece den bo bida? www.comprondiendobida.com

E rol di afirmacionnan pa crea abundancia… felicidad y placa

Nos a sinja cu placa ta corumpi, tanten cu placa ta djis un pida papel cu nos ta usa pa entrecambio di servicionan. E placa no ta culpabel pa loke hende ta hasi cun’e. Antes nan tabata cambia producto of servicio. Corda riba e custumber bieuw di paga lomba. Asina hopi famia Rubiano a jega na nan cas. Nan tabata juda otro na turno pa construi un cas pa nan famia. Un bunita custumber cu ainda tey den cierto famianan…

Afirmacionnan ta pensamento y ponencianan positivo cu ta yuda bo focus bo sub conciencia riba bo poder y abilidadnan pa obtene loke bo ta desea di e profundo di bo curason.

Scoge un pensamento basico pa bo mes. Por ehempel: ‘Mi ta un persona balioso, mi bida ta importante… ami ta scoge pa ta felis.

Continue reading “Usa afirmacionnan pa laga placa flow den bo bida”

Crea Abundancia y laga felicidad y placa flow den bo bida…

Crea Abundancia y laga felicidad y placa flow den bo bida…www.comproniendobida.com

Kico ta Abundancia?
Segun Encarta Dictionary ‘Abundancia’ ta: ora cu tin mas cu suficiente di algo disponibel.

Ora nos aplica e leynan spiritual di Abundancia, nos por crea placa, pero tambe salud, felicidad of cualkier otro cos cu ta pone nos sinti nos mes mas completo. Na Aruba tin un grupo grandi cu tin un entrada rond di 1500 Afl pa luna, pues tin hopi espacio pa crea abundancia pa hopi hende.

Ta existi leynan spiritual di Abundancia cu ta hermentnan pa hasi bo soñonan realidad. Pa logra esaki ta importante pa nos siña tende nos bos interno y haya confiansa cu nos por crea loke nos ta desea, tanten cu e ta den harmonia cu e leynan spiritual. Nos tur tin e poder pa crea, pero sea conciente cu bo por crea tanto den un forma positivo, como un forma negativo. Bo ta crea atraves di bo pensamentonan y esaki por ta tanto positivo como negativo, dependiendo di e estado di conciencia cu bo ta bibando aden.

Continue reading “Crea Abundancia y laga felicidad y placa flow den bo bida…”

Influencia di taboe riba comunidad – Drs. Piternella

what is the influence of taboe in our life? Can they be broken? www.comprondiendobida.com

Drs. W.R. Piternella…E influencia di ‘taboe’ riba nos bida.

Den bida diario masha poco nos ta para keto riba ‘taboenan’ cu ta rondona nos biba y cu tin su influencia riba esaki. Si bo paga tino bo ta ripara cu tin ‘taboenan’ cu ta hunga un papel den henter e comunidad, pero tambe y tambe tin ‘taboenan’ cu gruponan, manera un famia of personal di un empresa, y individuonan ta crea pa nan mes.

Ki ora nos ta papia di ‘taboe’?

‘Algo’ ta wordo considera como taboe ora ta prohibi pa papia di dje, uz’e of haci algo cun’e. Bo por puntra bo mes si tin motibo pa esaki. E prohibicion aki no necesariamente ta nota un of otro caminda. Hopi biaha e ta mara na custumbernan cu ta pasa di generacion pa generacion. Tin motibonan pa esaki. E motibonan aki ta relaciona na miedo pa wordo confundi, of miedo cu esaki ta lanta sentimientonan of anhelo cu no por wordo controla y cu por causa danjo na e orden cu ta existi den comunidad.

Continue reading “Influencia di taboe riba comunidad – Drs. Piternella”