Tips – Comprondiendo Bida

Tribi di sonja lanta

E miho sonjonan ta esunnan cu bo ta sonja lanta!
Bo tabata sa?

Bo sa cu nan ta bisa cu e miho sonjonan ta esunnan cu bo ta sonja lanta, cu bo wowo habri.
Sera bo wowonan un rato asina y bay bek den e tempo cu bo tabata un mucha.
Pensa riba lo siguiente: ‘Kico bo kier a bira dia bo bira grandi?’
Bo a logra esaki? Pakico si of pakico no?
Awo habri bo wowonan y pensa pa bo mes, si ainda bo tin e mesun sonjo of deseo.
Kico bo lo kier hasi pa logra loke bo a sonja di dje y podise te hasta un tiki mas!

Scirbi nan pa bo mes den un schrift of notebook.
Repasa nan tur dia. Ki stap bo kier of por tuma awe?
Hasi’e sin miedo!

Y majan atrobe hasi e mesun ehercicio.
Y otro majan.
Y tur dia cu ta sigi.

E miho sonjonan ta esunnan cu bo ta sonja lanta!
Bo tabata sa?

Ban hunto hasi nos sonjonan pa nos bida realidad.
Tambe pa nos comunidad.
Y pa nos mundo!

Exito!
Bo mag comparti bo experencia cu e lesadornan di Comprondiendo Bida riba e pagina di Facebook.

Ingrid Werleman

Por ta cu preocupacion ta stroba bo soño…

Tempo ta pasa…con hopi a cambia den bo bida? Prome parti di un entrevista na 2010 cu Dr. Jaime Falconi, neurologo y psichiatra.
…Hopi hende ta drumi malo… nos sa cu tin hopi cos cu no ta klop den nos bida, pero nos no ta busca yudansa…nos ta prefera di wanta e berguensa y kibra nos cabes, keda sin drumi…

Tempo ta pasa…con hopi a cambia den bo bida? Prome parti di un entrevista na 2010 cu Dr. Jaime Falconi, neurologo y psichiatra. Tanten dr. Falconi ta felismente penshona y ta duna su cooperacion riba peticion.

Dr. Jaime Falconi, neurologo y psichiatra Arubiano tin e tema aki como un punto di atencion grandi. E no ta solamente un problema serca hende grandi, pero pa hopi tempo caba e ta un fenomeno cu nos ta wak tambe serca hobennan y te hasta serca muchanan hopi chikito.

Di con?
• Pasobra nos custumbernan di biba a cambia, consecuentemente tambe nos ritmo di drumi.

Antes nos tabatin 2 of 3 canal di television. Awendia nos tin cable y dish cu un cantidad grandi di canal, 24 ora pa dia. Nos tin internet, ADSL 24 ora pa dia. Y….nos tin menos control di majornan kico nan yiunan ta hasi, ora cu lo mihor pa nan ta pa nan ta drumi. Mayornan ta traha warda, nan tin nan propio preocupacion y tempo a bira moderno. Muchanan tin hopi mas libertad cu antes, talves demasiado pa nan propio bienestar y felicidad.

• E constelacion di nos famianan a cambia. Nos tin hopi mas famia di un solo mayor. Esaki ta nifica mas obligacion riba lomba di un solo mayor. Pues tambe mas preocupacion. Mamanan cu ta lanta nan so cu nan yiu no ta un tarea facil, placa hopi bes no ta yega, yiunan ta mas rebelde. Y e mama na final di dia y prome cu e pega soño ta ocupa su mes cu e problemanan cu e mester soluciona mayan. E no tin hopi sosiego berdadero. Con bon e por drumi realmente e ora? Y bo por culp’e si e ta irita pa un periodo largo? Un situacion cu hopi biaha ta bira algo cronico, sin cu e mes ta realisa… E ta subi cama 12 or anochi, ta pega soño 1 pa 2 or madruga…Cuanto ora di soño un persona asina ta haya pa dia? Probablemente pa 5 of 6 or ya e mester ta ariba su pia pa prepara muchanan pa bay scol…

• E control social den nos comunidad a cambia. Nos ‘privacy’ ta sagrado, nos murayanan a bira hopi halto y nos no ta mete cu bida di otro. Di otro banda nos no ta preocupa cu otro mas tampoco… Ni nos ta duna otro un man asina hopi mas… Ni nos kier scucha conseho mas…nos sa cu tin hopi cos cu no ta klop den nos bida, pero nos ta prefera di wanta e berguensa y kibra nos cabes, keda sin drumi, cu busca yudansa…

• Consecuentemente nos ta cay den un circulo vicioso, cu nos curpa no ta haya e sosiego necesario…nos no ta drumi bon, nos no ta drumi suficiente y nos no ta funciona bon…pasobra nos curpa y mente no ta haya e chens pa recupera su mes… Nos mester di pildo pa drumi?

• Nos ta biba den un mundo yen di desordo. Nos kier hasi hopi cos, sali bay hopi caminda, nos kier cumpra hopi cos, nos yiunan kier hopi cos. Nos kier un television riba cada camber? Talves nos por cuminsa realisa cu tin un otro manera pa anda cu bida?

• Nos forma y orario di come a cambia. Nos ta come mucho laat, cu cuminda mucho vet. Si bo ta bay drumi cu un stoma yen, con bon esaki por juda bo pa drumi sosega?

(E ta sigi majan…)

Sende un bela awe y bisa ‘danki’.

Tin asina hopi cos pa nos ta agradecido y toch nos ta lubida hopi biaha den nos rush di bida.

Tin ora ta bunita pa nos djis hasi algo espontaneo. Los di tur ritual y tur reglanan di bida, hasi algo cu ta sali di bo curason. Awe mi a topa e potret aki riba Facebook y ela capta mi atencion. Pakico no, djis sende un bela awe. Dedic’e na e prome hende of causa cu bin den bo mente. E por ta algo leuk, manera ‘danki pa un famia cu a gradua of a bay over’. ‘Danki pa tin hendenan rond cu ta stima mi’, ‘Danki pa mi pan di cada dia’, ‘Danki pa e alegria den mi bida’. Of tambe pa sosten di un hende cu tin mester of pa bo mes. Of pa recorda cu un hende cu no ta cu bo mas. Of pa bo pais Aruba. Pa inspiracion.

Bo a mira den un rato cu tin asina hopi motibo pa sende un bela!

Abo ta sende un bela awe?

Of awe y majan y otro majan… Tin asina hopi cos pa nos ta agradecido y toch nos ta lubida hopi biaha den nos rush di bida. Keda keto un rato. Stttt. Scucha e bos di bo curason.

Ingrid Werleman

Stima cu henter bo alma y curason sin miedo pa perde.

Tin hendenan sabi cu ta bisa cu e buskeda di hende ta semper ‘conoce felicidad’.

stima cu pashon — Stima sin miedo pa perde!

Un grupo di amiga tabata papia riba e tema. ‘Esta dushi ta cu bo por stima, maske con duro bo bida por tabata! Bo ta realisa cu ‘ami no ta loke bida a hasi cu mi, pero loke mi ta scoge pa hasi di mi bida’. Hopi biaha nos ta ta tende tur sorto di expreshon:

Homber no ta di confia awendia mas
Relacion den e temponan aki no ta traha
Nos mundo a bira mucho liber, tur cos por

Di otro banda, ora nos papia cu un hende intimamente y honestamente, nos ta realisa cu hopi di e expreshonnan aki ta basa riba miedo. Miedo pa perde, miedo pa dolor, miedo pa perde cara. Y un otro hende cu si a tribi di entrega nan mes na amor y pashon den nan bida y ta wak bek cu sinceridad ta bisa cu nan no ta lamenta. Nan ta pensa cu ta bal mas di a conoce amor y despues sinti dolor cu pa un of otro miedo nunca a experencia kico ta nifica ‘stima cu henter bo alma y curason’. Perde bo mes den amor y pashon, entrega bo mes totalmente. Gosa di amor y intimidad sin miedo. Comparti bo alma y bo curpa.

Kico tin mas bunita cu conoce e sentimento di mas profundo cu biba ta ofrece nos. Tin hendenan sabi cu ta bisa cu e buskeda di hende ta semper ‘conoce felicidad’. Anto pakico tin miedo pa top’e? Pens’e! Hopi felicidad den e buskeda!

Cantica di Aruba, Fiesta den cura

Brazil ta e unico bario na Aruba cu tin un parada folklorico. Dushi Bario Brazil, conservando Aruba su folklor! Danki na Centro di Bario Brazil y Mariano Bermudez pa e bunita trabou aki. Folklor bo ta sinja stima dor di participa den dje di chikito!

1.	Dushi Bario Brazil, conservando Aruba su folklor Palabra di H. Booi Música di R. Wever/P. Lampe Un dia ta ‘tin un fiesta Den mondi tra’i Ponton Dies dori a forma’un orkesta i bailia a cum’ nsá bon Cabritunan tur cu baca ta zoja den cura Un yeye cu’n kakalaka ta salta bon purá
	Refran: Dori ta pita Yeye ta grita Baca ta balia cha-cha-cha Pushi ta yora djaka ta lora Porcu ta gruña ‘Ho! ‘Ho!
2.	Totekkinan cu yuwana ta sinña core wals Un pushi cu yen di gana ta sinta kou su bals Den esei el a bula lanta i a cum’nsá sapatiá Cachonan cu tambe a spanta acore bai gatiá
	Refran: Dori ta pita Yeye ta grita Baca ta balia cha-cha-cha Pushi ta yora djaka ta lora Porcu ta gruña ‘Ho! ‘Ho!
3.	Orkesta a para ketu Buricu a halsa bos Un porco cu rabu pretu A gruña un cos mahos Shon porco ke un guaracha Cha baca un tumba bon Buricu ke tende un marcha i pushi ke un danson
	Refran: Dori ta pita Yeye ta grita Baca ta balia cha-cha-cha Pushi ta yora djaka ta lora Porcu ta gruña ‘Ho! ‘Ho!
4.	Nan tur a cuminsa pleita dal otro benta abou Un djaka cu a para weita a spanta te cai flauw Un baca bisti cu pèchi a yega armá cu un klop A pone tur sinta nechi i balia a sigui sin stop
	Refran: Dori ta pita Yeye ta grita Baca ta balia cha-cha-cha Pushi ta yora djaka ta lora Porcu ta gruña ‘Ho! ‘Ho!

Ban resusita den amor

E mensahe di tur tempo ta un mensahe di amor… Ke hubo, ban ta balente… Ban resusita den amor!!!

Pasco di Resureccion… periodo di refleccion… pakico e jiu di Dios a scoge pa muri na crus?
Kico e kier a bisa nos di berdad? Tin ora mi ta pensa cu e mester kier a duna e hendenan di su tempo un mensahe di amor. Hesus tabata biba den un periodo cu nan tabata mata muchanan chikito riba orden di e mandatarionan. Mescos cu nan tabata mata criminalnan riba crus…

Y awendia, con nos ta para? Ainda ta mata jen di hende den guera rond di mundo riba orden di mandatarionan. Hendenan ta tira otro mata sin motibo algun den diferente paisnan. Kico ta e ehempelnan cu ta pone hende actua asina contra su prohimo?

Nos ta bibando den un mundo cu 10% ta donjo di 90% di e rikesanan. Hendenan ta muri di hamber den un parti di mundo, tanten otronan ta gasta nan placa na luho exorbitante of placernan cu ta corumpi otro ser humano.

Tin ora mi ta puntra mi mes, kico a bay robes cu humanidad. Unda nos a bira e victima di nos propio crecemento sin limite?
Con nos por draai cos bek? Dios lo duna nos un chens pa draai cos bek? Nos ‘kier’ draai cos bek of nos ta keda baila riba e barco di bida te dia e sink mescos cu Titanic?

Podise nos cada un por pensa con nos por resusita, cada un di nos den nos propio grandesa?
Si nos ta traha na imagen di Dios, ya caba nos ta bibando den amor y bendicion, toch? Y awor si nos desvia pa cualkier motibo, podise Pasco di Resureccion por inspira nos pa cada un di nos resusita, no for di morto fisico manera Hesus, pero den e mensahe cu e la laga atras pa mundo.

E mensahe di tur tempo ta un mensahe di amor… Ke hubo, ban ta balente… Ban resusita den amor!!! Abo ta cu cla???…

Cos leuk pa traha cu bo yiu pa carnaval.

Nos tur sa cu e momentonan mas dushi den famia ta ora nos por hasi cosnan hunto.

Tin cosnan leuk cu bo por traha hunto cu bo yiu pa carnaval cu ni mester costa placa, pero bo por traha cu material cu bo tin na cas. Wak ki tin na carton, flor artificial,

Nos tur sa cu e momentonan mas dushi den famia ta ora nos por hasi cosnan hunto.

Tin cosnan leuk cu bo por traha hunto cu bo yiu pa carnaval cu ni mester costa placa, pero bo por traha cu material cu bo tin na cas. Wak ki tin na carton, flor artificial, lijm, revista, glitter, sinta y sker.
Laga e potretnan aki inspira bo y laga bo fantasia traha.
Mi ta desea bo hopi momentonan di felicidad y creatividad hunto cu bo yiu(nan).

Honrando nos hendenan, Betico Croes

Ta bon pa nos duna honor na nos yiunan di Tera cu a duna di nan bida pa nos por ta unda nos ta awe… Riba ‘Dia di Betico’, ban honra Betico.

Cu danki na Wikipedia den papiamento.

‘Ta bon pa nos duna honor na nos yiunan di Tera cu a duna di nan bida pa nos por ta unda nos ta awe… Riba ‘Dia di Betico’, ban honra Betico. -Ingrid’

Na 1972, a continua cu e proceso di decolonisacion y independencia inicia for di aña 40 na e conferencia na Surnam, na unda Betico Croes di partido MEP (Movimiento Electoral di Pueblo) a propone tambe un “sui-generis” Dutch Commonwealth di cuater pais y estado independiente miembro: Aruba, Hulanda, Surnam y Antia Hulandes, cada un cu su propio soberania y identidad nacional. Mr. C. Yarzagaray, representando e partido politico AVP (Arubaanse Volkspartij), a propone pa tene un referendum pa e pueblo mes dicidi su propio destino y a proclama cu: “Aruba hamas lo acepta un federacion ni un nacionalidad di segundo categoria”.

Betico Croes mesora a inicia na Aruba un campaña pa informa y prepara e pueblo di Aruba pa Aruba su independencia politico y un status aparte den un commonwealth Hulandes liber di tur resto di colonisacion. Na 1974 e Ministro di Structura Estatal a percura pa publica e “Witboek over de Status Aparte”, y na maart 1976, un comite nombra pa gobierno di Aruba a logra keda cla cu tur preparacion pa a introduci e bandera y himno nacional di Aruba como e dos simbolonan di Aruba su soberania y independencia, y hunto tambe a fiha 18 di maart 1981 como fecha pa Aruba su independencia como pais completamente separa y independiente cu un status aparte como estado miembro di un commonwealth nobo, moderno, bou di un statuut dor di cual lo a elimina pa semper e gran berguensa di tur e resto di dominio y poder colonial.

A sigui na maart 1977, cu e referendum (Aruba a ser obliga pa a yama e referendum aki un ‘encuesta’, pasobra pa ley Aruba no tawata permiti pa tene un referendum) pa e pueblo mes determina su futuro cu a ser teni cu e sosten di e Nacion Uni y 82% di e votadonan a scohe pa independencia: pa Aruba ta un pais riba su mes, y cu derecho di ta un estado miembro di un comonwealth nobo, moderno Hulandes, manera tawata e deseo di e pueblo ya for di añanan 40, pa Aruba iguala cu e otro cuater paisnan cada un como Estadonan di Miembro lo a obtene nan ‘status aparte’ eyden.

E gobierno di Aruba a asigna e ‘Instituut van Sociale Studies’ den Den Haag pa haci un estudio di Aruba su independencia, cu a wordo publica den 1978, cu e titlo “Aruba en Onafhankelijkheid, achtergronden, modaliteiten en mogelijkheden; een rapport in eerste aanleg”.

Na e conferencia di Den Haag den 1981, Aruba su independencia a wordo proponi na 1991. Den maart 1983, basa riba e Referendum, finalmente Aruba a haya un trato oficial den Reino, pa Aruba su decolonisacion y independencia, e prome pais birando den Reino Hulandes, cu su mesun costitucion, unanimamente aproba y proclama den augustus 1985, y despues di un eleccion teni den november pa Aruba su prome parlamento.

Aruba a separa for di Antia Hulandes y bira oficialmente un pais y e di tres miembro di estado den Reino Hulandes dia 1 di januari 1986, cu despues di 10 aña Aruba e ful independencia na aña 1996, y cu e abolicion di Reino Hulandes Bieu. Un miembro di estado nobo di e nobo Reino Hulandes como completamente nobo y moderno di Dutch Commonwealth, liber di tur dominio colonial.

E logro grandi aki ta danki na e United Nations Resolutions pa elimina colonialismo y tambe na Betico Croes y e steun politico di otro nacions manera Merca, Panama, Venezuela y varios pais Europeo. Croes tawata proclama e “Libertador di Aruba” despues di un accident tragico dia 31 december 1985 y a fayece den november 1986.

Poder di Intencion y bo proposito den 2012

Poder di Intencion ta un energia Universal na cua nos tur tin aceso! E ta hasi posibel pa nos co-crea E Bida cu nos ta desea di berdad.

Re- programa bo mes cu e pensamentonan aki:”Mi ta stima mi mes, mi ta acepta mi mes manera mi ta, mi ta aproba mi mes”… “Mi ta sano y perfecto manera mi a ser crea, mi tin e curpa ideal”, “Mi ta e jiu stima di un universo abundante: nada ta falta mi”.

“La primera lección que he recogido del libro. Aprender a descubrir las mentiras de tu ego y desbaratarlas en base a 6 frases:
1. No SOY lo que tengo. Mis posesiones no me defienen como persona.
2. No SOY lo que hago. Lo que consigo no me define como persona.
3. No SOY lo que los demas piensan de mi. Mi reputación no me define.
4. No ESTOY separado de los demás. No es mi cuerpo lo que me define como ser único.
5. No ESTOY separado de todo lo que me falta en la vida. Las cosas están allí, porque el universo es abundante, solo tengo que mirar bien y aprovecharlo.
6. No ESTOY separado de Dios. Mi alma es parte de Dios, y como tal, inmortal e infinita.”

Diasabra, januari 14-21-28… Workshop ‘ 2012 y bo proposito di bida’, combina cu Wellness cu puro naturalesa. Basa riba e buki ‘The Power of Intention di dr. Wayne Dyer. E
Poder di Intencion ta un energia Universal na cua nos tur tin aceso! E ta hasi posibel pa nos co-crea E Bida cu nos ta desea di berdad.

Esaki y mas bo por hasi na e workshop aki! Bin cu bo famia, amigo, colega of bo so.

Pa workshop: 25 Afl.
Mas info & registra? Jama 741 3300 (Ingrid) of 734 1994 (Francis)

bo por bishita www.camacuri.com of www.comprondiendobida.com

Riba Facebook bo por bishita e paginanan: Comprondiendo Bida of Aruba Wellness Garden

“Wellness met puur natuur” een unieke ervaring op mooi Aruba.

De workshop “Wellness met puur natuur” is een project van Aruba Wellness Garden, Comprondiendo Bida en Camacuri. Dit evenement is een uniek concept op Aruba. Het combineert de helende en relaxerende krachten van onze prachtige Arubaanse natuur.

De workshop “Wellness met puur natuur” vindt plaats op het Fofoti strand net voorbij het Wilhelmina Park. Het evenement is een project van Aruba Wellness Garden, Comprondiendo Bida en Camacuri. Dit evenement is een uniek concept op Aruba. Het combineert de helende en relaxerende krachten van onze prachtige Arubaanse natuur. De deelnemers komen met de intentie om balans en harmonie te creeren tussen hun lichaam, geest en mentale welzijn. En dat is wat ze absoluut krijgen. Het fantastische aan de workshop is dat er tussen deelnemers, waarvan de meesten elkaar meestal niet of nauwelijks kennen, een prachtig gevoel van saamhorigheid en vriendschap ontstaat.

De intentie van de organisatoren Ingrid Werleman en Francis Quandt –Bulters is om een gevoel van saamhorigheid, dankbaarheid, plezier, relaxatie, eenheid, vriendschap, respect en liefde en trots voor de natuur en de bewoners van Aruba te creeren. Het prachtige is dat de deelnemers meestal van verschillende nationaliteiten en achtergronden zijn en zich weten te verenigen als een familie om met elkaar deze doelen te bereiken. Zo is duidelijk dat er behoefte is aan het type workshop als deze, die iets totaal anders te bieden heeft dan de gebruikelijk workshops. Op deze manier kunnen we de krachten bundelen om samen een duurzaam en verenigde wereld te ontwikkelen.
Het evenement is luchtig, ontspannen en toch vol betekenis. Er ontstaat flow en eenheid en iedereen accepteert elkaar op een hele mooie manier.

Het programma bestaat uit een onderdeel rekken en strekken, scrubben met behulp van zand van het strand en zelfmassage met hotstones en zelfgemaakte massageolie. Deelnemers gaan naar huis met een huid als zijde. Het evenement wordt afgesloten met een meditatie en thee met fruit en nootjes.

Om nog meer mensen de gelegenheid te geven deel te nemen aan deze fantastische do-workshop “Wellness met puur natuur” wordt bij voldoende deelname elke woensdag en zaterdag herhaald.
De groepen worden klein gehouden om zo de deelnemers voldoende aandacht te schenken.

De workshop is open voor mensen van alle leeftijden en voor mannen en vrouwen, samen of alleen, met familie en/of vrienden.
Voor informatie en registreren, tel.: 00297 741 3300 (Ingrid) of 00297 7341994 (Francis) of ga naar de website www.camacuri.com – www.comprondiendobida.com . U kunt ons ook op Facebook vinden. Bezoek de pagina’s Comprondiendo Bida of Aruba Wellness Garden.

Wij verwelkomen u met een warm hart!