calor humano – Page 3 – Comprondiendo Bida

Dios

Pa Es cu ta kere den Dios, ningun explicacion ta necesario. Pa esnan cu no ta kere den Dios, ningun explicacion ta posible. – Autor: Desconoci (kizas ta Dios mes)

Mi ta marca bo number pa yamabo paso mi sa cu tur ora bo ta contesta pa scucha mi palabra. Bo number ta facil pa corda como cu…..

Autor: A. Figaroa ©

Pa Es cu ta kere den Dios, ningun explicacion ta necesario. Pa esnan cu no ta kere den Dios, ningun explicacion ta posible.

Autor: Desconoci (kizas ta Dios mes)

Mi ta marca bo number pa yamabo paso mi sa cu tur ora bo ta contesta pa scucha mi palabra. Bo number ta facil pa corda como cu mi ta yamabo tur dia, si no ta pa agradeci, ta pa yamabo danki, pidibo conseho of pidi forsa pa otro. E unico yamada cu mi tin hasi ta cu mi man y mi bos. For di mi frenta na mi pecho y schouder pa schouder: “Na nomber di Tata di Yui y di Spirito Santo, Amen. Y bo sa ken mi ta haya na linea pa conte tur cos …?
Continue reading “Dios”

La Reina ta bin Aruba

La Reina ta bin Aruba… imagina bo mes cu nos por coy e espiritu cu e evento aki a inspira y hasi’e nos estilo di bida. Imagina bo mes un Aruba unda tur edificio ta netchi geverf y tur pleenchi ta limpi. Unda nos ta biba yen di entusiasmo y tur dia ta hasi tur esfuerso pa mustra nos isla di e miho forma posibel.

E strip riba boulevard ta bunita y limpi. Tur edificio ta netch geverf. Tin hopi hasimento limpi riba e pleenchi di Linear Park. Yen di entusiasmo. Pronto La Reina ta bin Aruba. Nos ta hasi tur esfuerso pa mustra nos isla di e miho forma posibel. Tur hende ta hasi nan best pa copera cu otro. Tur hende ta jen di entusiasmo. E gruponan di baile ta show orguyoso cu nan traje folclorico. Esta dushi Aruba por ta.

E verkennernan cu nan amor pa Aruba y nan disciplina di grupo ta ehemplar. Ta hopi bunita ora hende ta duna di nan tempo liber pa juda nos muchanan construi un bon futuro. Ta parse cu e bishita di La Reina ta inspira hopi hende. E evento ta priminti di bira uno bon organisa. Cu amor patria grandi. Den respet pa otro y sublime coperacion bou otro.

Bastante hende cu ta papia Papiamento pa e ocashon aki. Dushi pa tende bo propio idioma asina hopi. Parse e dushi Aruba di antes. Un Aruba uni, unda hende ta biba cu otro den pas y harmonia y respet.
Sin importa unda bo a nace.
Continue reading “La Reina ta bin Aruba”

Un biaha mas Workshop ‘Wellness cu Puro Naturalesa’diasabra oktober 15

Algun comentario di Facebook: Lilian Leest: ‘It was fantastic, Ingrid..thanks again!!will keep pending for the next!!’ Lydia Paesch a bisa ‘Mi ta recomenda tur cu por tin e oportunidad pa bai e workshop aki e ta algo den un palabra “Fantastico”‘. Diasabra, 15 oktober ta ripiti e workshop ‘Wellness cu Puro Naturalesa’. Costo: 25 florin. Participa y anjadi anja y felicidad na bo bida!

Tabatin asina hopi bunita comentario riba e workshop cu e organisadornan Ingrid Werleman y Francis Bulters a dicidi di organisa un workshop mas. Di e forma aki mas tanto hende por probecha di su efecto pa asina haja un dushi experencia con fantastico bida por ta. Tin ora ta juist mei mei di tur turbulencia y drukte, ta bon pa nos traha tempo pa nos mes. Asina tabatin varios participante cu a bisa cu nan tabata hopi druk cu otro cos, pero a traha tempo toch pa bin y a keda hopi contento cu e decishon aki. Algun comentario di Facebook: Lilian Leest: ‘It was fantastic, Ingrid..thanks again!!will keep pending for the next!!’ Lydia Paesch a bisa ‘Mi ta recomenda tur cu por tin e oportunidad pa bai e workshop aki e ta algo den un palabra “Fantastico”‘. Johan Koop a bisa: ‘Het lijkt wel vakantie, zo relaxed’. Faritah Luidens a.k.a. Tica Bashabou a manda un sms cu despues di 3 dia ainda su cutis tabata suavecito di e crema pa masseer traha den cushina di Francis y Ingrid. Un crema puramente natural cu por usa pa curpa y cabey.
Continue reading “Un biaha mas Workshop ‘Wellness cu Puro Naturalesa’diasabra oktober 15”

Dia di tur criatura y Fransisco

Parti 2 di e Storia di Al Figaroa…Aki na Aruba y na mundo tin mucho mas, mucho mas hende cu por comunica cu cierto criaturanan. No lubida cu tin un diferencia entre cria un bestia na cas y stime, cu cria diferente o mesun bestia tur dia cu amor, paso simplemente bo por comprondenan. Daniël Leo cu su Leonnan? Oom Fai cu su Lora? E Bieu cunucero cu su cabrito y carnenan? Mi tin sigur bo tambe a yega di tende di uno. Pero pakiko riba cuatro di oktober? Dicon precisamente e fecha ki?

Ta siglo 11 y e anja ta 12, dia cu Francisco di Bernardone trankilamente den oracion ta cana drenta un pueblo cu ta tur trastorna. Segun e ta pasa cana entrenan y ta tende nan storia, Francisco a bin compronde cu ta trata aki di un wolf cu ta baha for di sero anochi y atacanan y ta come nan carnenan.

Un contibucion di Al Figaroa
Aki na Aruba y na mundo tin mucho mas, mucho mas hende cu por comunica cu cierto criaturanan. No lubida cu tin un diferencia entre cria un bestia na cas y stime, cu cria diferente o mesun bestia tur dia cu amor, paso simplemente bo por comprondenan. Daniël Leo cu su Leonnan? Oom Fai cu su Lora? E Bieu cunucero cu su cabrito y carnenan? Mi tin sigur bo tambe a yega di tende di uno. Pero pakiko riba cuatro di oktober? Dicon precisamente e fecha ki?

E prome workshop ‘Wellness cu Puro Naturalesa’ a resulta un evento dedica na felicidad

Ingrid Werleman y Francis Bulters ta menciona loke nan a topa den e prome workshop ‘Wellness cu Puro Naturalesa’: “Synergia, gratitud, alegria, relajacion, union, Amistad, respet, amor pa naturalesa, amor y orgujo pa Aruba y su hendenan”.

E bunitesa ta cu a bin hendenan di diferente nacion y profesion y tur a uni manera un famia grandi pa juda otro logra e meta. Asina a keda demostra cu tin necesidad na e tipo di workshop asina cu ta algo full diferente cu nos ta custumbra cu ne normalmente. Asina nos por uni nos forsa pa crea hunto un Aruba mas duradero y cu mas union. Diarason awor, okt. 5 ta ripiti e workshop.

Weekend cu a pasa a tuma lugar e prome workshop ‘Wellness cu Puro Naturalesa’ na e beach poco pariba di Wilhelmina Park. E workshop ta un projecto di Comprondiendo Bida y Camacuri Wellness Garden. E workshop a atrae hopi atencion pa motibo di su concepto unico na Aruba. E la combina e forsa curativo y relajante di nos naturalesa cu hendenan cu a bin cu e intencion di busca balansa y harmonia pa nan curpa, mente y alma. Y esaki nan a haja sigur sigur. E bunitesa di e evento tabata cu un grupo di hende cu no tabata conoce otro a hasi un contacto asina bunita den solamente un par di ora y ya desde un inicio. Tabatin asina hopi elemento cu e organisadornan tabatin den mente ora a nan a planea e evento. Ingrid Werleman y Francis Bulters ta menciona entre otro: “Synergia, gratitud, alegria, relajacion, union, Amistad, respet, amor pa naturalesa, amor y orgujo pa Aruba y su hendenan”.

E atardi tabata light, relaja y toch jen di contenido y profundidad cu tur hende a comparti. E tabata tin flow y a bay hopi espontaneo, den union, tur hende tabata acepta otro na un forma bunita.

Dor cu tabatin tambe algun masajista presente e participantenan a haja te hasta un treat di masashi cu a laga nan totalmente relaja. E programa a ensera rek y strek, scrub cu judansa di lama, massage bo mes cu hot stones di Aruba y azeta di massage cu tur hende a encanta, traha na cas y cu a laga e cutis super suave. A caba e evento cu un meditacion relajante y despues a comparti dushi thee cu nootjes y fruta.

A tene e grupo chiquito pa asina tur hende por haja suficiente atencion. Pa duna mas hende chens pa participa ta organisa un otro workshop ‘Wellness cu Puro Naturalesa’ diahuebs awo, oktober 6 y diasabra, oktober 15 di 5 or atardi pa 7 or anochi. Esaki ta un bunita oportunidad pa bin den famia y hasi un actividad cu ta transforma bo bida pa uno hopi mas bunita y yen di energia bunita. E workshop aki tambe lo ta pa un prijs special di solamente 25 florin pa nos hendenan local.
Mas info & registra? Tel. 741 3300 (Ingrid) Tel. 734 1994 (Francis) of bay na e websitenan www.camacuri.com of www.comprondiendobida.com of Comprondiendo Bida riba Facebook.

Sinja bo yiu disciplina cu amor…

Tras di e aparencia duro di un mundo caotico, tin un universo conecta intimamente cu amor… Laga tur cos den su man. – Marianne Williamson

Rutina y reglanan husto nunca a danja niun hende. Yuda bo yiu discubri su talentonan, sinj’e norma y balornan. Bis’e cu e ta balioso den bo bida… Amor y disciplina… combina ta crea un futuro fuerte pa bo yiu… Dun’e, e merece y lo beneficia di dje!

Tras di e aparencia duro di un mundo caotico, tin un universo conecta intimamente cu amor… Laga tur cos den su man. – Marianne Williamson.

Bibando den un mundo caotico y insegur, nos ta lubida hopi biaha cu esaki ta e caso tambe pa e generacion cu ta sigi nos. Un generacion cu por ta, ta lanta di chiquito den un bida cu tiki disciplina y hopi caos. Cu tur major ta stima nan yiu ta berdad, di un of otro forma. Cu semper nan ta expresa esaki? Probablemente no semper den nan bida hopi druk y cu hopi desorden.

Ta importante pa mas tanto cu nos por bisa nos yiunan cu nos ta stima nan, cu nos ta aprecia nan, cu nan ta balioso den nos bida. Y semper corda cu structura ta hopi importante den bida di un mucha y ta jud’e pa structura su bida poco poco, maske con chiquito e ta.
Continue reading “Sinja bo yiu disciplina cu amor…”

Nos famia ta e cuna pa sinja etica…

Kico muchanan ta sinti falta di dje den nan educacion y bida na cas, na scol, den nan iglesia of den nan bario? Amor, disciplina, norma, balor, instruccion, etica?
Nos famia ta e cuna pa sinja etica, segun un presentador na radio…
Si, berdad, e tin rason, etica, amor, disciplina… formacion…informacion…

‘Un ser inteligente ta e principio di tur cos’ – Jean Jacques Rousseau

Mi tabata scuchando un programa riba famia y etica. Hopi interesante pa scucha cu como nacion nos tin cu tuma ensenjansanan riba etica y moral na serio. E presentador ta puntra: ‘E problemanan social y personal por tin di hasi cu ja nos no ta paga asina hopi atencion mas na balornan manera respet, integridad, responsabilidad? Kico ta bon y kico ta malo? Nos ta duna contenido na e palabranan aki ora nos ta splica nos yiunan na palabra chikito kico nan ta nifica. Tambe ta bon pa duna nan ehempel di bida diario, p.e. pa no mishi cu cosnan cu no ta di bo, maske con chiquito e por ta manera un pen di propaganda (no horta). Ta importante pa sinja nos yiunan kico ta nos bon custumbernan, p.e. cuminda hende ora bo topa nan riba caminda (bisa ‘bon dia, senjora’ of ‘meneer’).’
Continue reading “Nos famia ta e cuna pa sinja etica…”

Bo por traha bo propio felicidad. E receta di un mucha jong.

Con hopi bo pensamentonan ta determina bo felicidad? Un hoben ta duna su tipnan pa felicidad…

“Mi ta scucha y mi ta lubida. Mi ta mira y mi ta corda. Mi ta hasi y mi ta compronde” ~ Confucius

Te hasta algo asina personal manera felicidad ta haja atencion di ciencia awendia. Tanto na Hulanda como Merca ta hasi hopi investigacion pa haja sa reglanan simpel pa asina en principio tur hende por tin un bida felis.
Naturalmente mester cumpli cu cierto condicionnan basico manera suficiente cuminda y bebida, un cas pa biba aden. Tambe ta bon pa no tin malesa y sigi e reglanan cu ta sigi y bo por tin un bida mas felis.
Dus paga tino y traha bo propio felicidad!

Conta bo bendicionnan. Sea conciente di e cosnan bon den bo bida y repasa nan cada anochi. Un biaha pa siman bo por scirbi sikiera un di nan den bo ‘buki di bida di oro’.

Hasi un acto di bondad cada dia. Duna e bisinja bieuw un man pa hasi su cura limpi, bishita un hende cu no tin famia na Aruba.
Continue reading “Bo por traha bo propio felicidad. E receta di un mucha jong.”

Life

Kico Bida ta? Un cadena di experencia…dushi y zuur tin ora… pero semper e ta hiba nos na nos esencia… un dia…. un pensamento di Ingrid Werleman

Life,
An experience,
Without beginning,
Without an end,

Life,
Without no clues,
Just a road,
Even through my tears and tribulations,
The only road,
To get to myself,

I thank each and every one,
Who once crossed my path,
Thank you for the tears,
They brought me new insights,
But most of all,
Thank you for the love,
And that innie minnie smile that brightened my day ,

Thank you life,
For life itself.

—Ingrid Werleman

Kico mi tin cu haci cu mi yiu ora e bira rebelde.

Drs Mitsy Willems – psicologa – Ora un mucha ta haci locual ta corecto e ta algo importante ya cu di eynan e ta cuminza desaroya kico ta locual ta bon y kico ta malo, erornan ta haci cu e mucha ta siña di un ehemplo, di locual ta desaroyo di su lenguahe.

Un contribucion di Drs Mitsy Willems – psicologa.

Un mucha rebelde ta esun cu ta pone resistencia y cu no ta haci caso na e obediencia; un mucha cu no ta haci nada di locual bo bise. Hopi di e conductanan aki ta cuminza ora un mayor ta autoritario; unda e mayor no sa scucha y ta sinti cu tin semper e berdad riba cualquier cos cu e mucha bisa y haci. Cu mayornan asina e mucha ta desaroya un manera con pa defende su punto di bista, su lugar y su identidad. Aunque esaki ta pone e mucha bira un problema, e ta uza hopi locual ta e defensa personal y e lo bira líder den algún area den nan bida.Locual ta mas importante, ta cu nos yiu mester logra den su mes un autonomía y ta independiente pa e por cuminza resolve su problema, unda e por defende su punto di bista sin haci daño na ningun hende.
Continue reading “Kico mi tin cu haci cu mi yiu ora e bira rebelde.”